Suide treur oor twee geliefde landboureuse
Twee van die Suide se mees bekende landboufigure was ook slagoffers van die verwoestende derde pandemiegolf.
Ronelle Rademeyer – Groot leemtes is in die Suide gelaat met die dood van mnre. Nico van der Merwe (68) en Dolf de Wet (71) ses dae uit mekaar aan Covid-19.
So verweef as wat Van der Merwe met die boerderylandskap van Noordoewer was, so deel was De Wet van Grünau se skaap- en toerismebedryf.
Van der Merwe, uitvoerende direkteur van Sonop Farms asook Naturesmart wat varsproduktebemarking, -uitvoer en -verpakking doen, is op 17 Julie aan Covid-verwante oorsake in die Mediclinic Panorama-hospitaal in Kaapstad oorlede.
Op 23 Julie is De Wet op Swakopmund aan Covid oorlede. Sy dogter, Niekie, is met Van der Merwe se seun, Albert, getroud.
Me. Kinna de Wet (62), sê haar man het die aand voor sy dood nog gevra hoe dit met sy swaer gaan. “Ons het nie vir Dolf gesê Nico is dood nie.”
Wyle Van der Merwe het in 1981 op ses hektaar by Noordoewer begin boer ná hy sy werk by die destydse spoorweë laat vaar het. Hy het die boerdery tot 4 000 ha uitgebrei, waarvan 900 ha onder besproeiing is, en ook die agribesighede gevestig. Sonop Farms verbou tafeldruiwe, botterskorsies, tamaties en soetrissies. Naturesmart doen ook uitvoer en bemarking vir ander boere.
'GENTLE GIANT'
Wyle De Wet was die derde geslag op Mickberg, vertel Kinna. Buiten vir skaapboerdery, bedryf hulle ook sy Swanevelder-familie se ou plaasopstal, Die Withuis, as 'n gastehuis. Hulle myn ook rooskwarts op die plaas. “Mickberg was Dolf se ma, Febe, se familieplaas. Hulle was Swanevelders,” vertel Kinna.
Erns Grundling van Elders-faam het in die eerste episode van Elders Namibië op Mickberg by die De Wets gekuier. Die episode eindig waar hy en De Wet skemeraand 'n drankie geniet op 'n koppie op die plaas. Dit is in April verfilm.
Kinna, wat haar man van 43 jaar as 'n “gentle giant” beskryf, sê daardie oomblik daar op die koppie “het sy hele persoonlikheid vasgevang”. “Hy was so dankbaar oor die goeie reën hierdie jaar.
"Die Here was goed vir ons hierdie jaar. Ons het sulke ongelooflike swaar jare agter die rug met die droogte.”
Kinna sê sy het net mooi herinneringe aan haar man. “Daar was nooit droogtes in ons huwelik nie, net op die plaas.”
Sy sê Dolf was soos 'n pa vir die Grünau-gemeenskap en sy dood laat 'n groot leemte. “Hy was die een na wie almal opgesien het.”
Hy laat buiten vir Kinna en sy dogter Niekie, ook sy seun Dolf en sy dogter Febe agter.
Van der Merwe laat benewens Albert ook sy vrou Marie en sy drie ander kinders, Nico, Thelana en Marais agter. – [email protected]
So verweef as wat Van der Merwe met die boerderylandskap van Noordoewer was, so deel was De Wet van Grünau se skaap- en toerismebedryf.
Van der Merwe, uitvoerende direkteur van Sonop Farms asook Naturesmart wat varsproduktebemarking, -uitvoer en -verpakking doen, is op 17 Julie aan Covid-verwante oorsake in die Mediclinic Panorama-hospitaal in Kaapstad oorlede.
Op 23 Julie is De Wet op Swakopmund aan Covid oorlede. Sy dogter, Niekie, is met Van der Merwe se seun, Albert, getroud.
Me. Kinna de Wet (62), sê haar man het die aand voor sy dood nog gevra hoe dit met sy swaer gaan. “Ons het nie vir Dolf gesê Nico is dood nie.”
Wyle Van der Merwe het in 1981 op ses hektaar by Noordoewer begin boer ná hy sy werk by die destydse spoorweë laat vaar het. Hy het die boerdery tot 4 000 ha uitgebrei, waarvan 900 ha onder besproeiing is, en ook die agribesighede gevestig. Sonop Farms verbou tafeldruiwe, botterskorsies, tamaties en soetrissies. Naturesmart doen ook uitvoer en bemarking vir ander boere.
'GENTLE GIANT'
Wyle De Wet was die derde geslag op Mickberg, vertel Kinna. Buiten vir skaapboerdery, bedryf hulle ook sy Swanevelder-familie se ou plaasopstal, Die Withuis, as 'n gastehuis. Hulle myn ook rooskwarts op die plaas. “Mickberg was Dolf se ma, Febe, se familieplaas. Hulle was Swanevelders,” vertel Kinna.
Erns Grundling van Elders-faam het in die eerste episode van Elders Namibië op Mickberg by die De Wets gekuier. Die episode eindig waar hy en De Wet skemeraand 'n drankie geniet op 'n koppie op die plaas. Dit is in April verfilm.
Kinna, wat haar man van 43 jaar as 'n “gentle giant” beskryf, sê daardie oomblik daar op die koppie “het sy hele persoonlikheid vasgevang”. “Hy was so dankbaar oor die goeie reën hierdie jaar.
"Die Here was goed vir ons hierdie jaar. Ons het sulke ongelooflike swaar jare agter die rug met die droogte.”
Kinna sê sy het net mooi herinneringe aan haar man. “Daar was nooit droogtes in ons huwelik nie, net op die plaas.”
Sy sê Dolf was soos 'n pa vir die Grünau-gemeenskap en sy dood laat 'n groot leemte. “Hy was die een na wie almal opgesien het.”
Hy laat buiten vir Kinna en sy dogter Niekie, ook sy seun Dolf en sy dogter Febe agter.
Van der Merwe laat benewens Albert ook sy vrou Marie en sy drie ander kinders, Nico, Thelana en Marais agter. – [email protected]
Kommentaar
Republikein
Geen kommentaar is op hierdie artikel gelaat nie