Suide se eie skofresies wag vir dapperes

Die sewende jaarlikse Standard Bank Klein-Aus Vista Bergfietsuitdaging vind op 29 April, 30 April en 1 Mei 2017 in die pragtige omgewing van Aus plaas. Die byeenkoms is die enigste driedaagse skofresies op die kalender van Namibiese fietsry en word in die skilderagtige, kronkelende Ausberge gehou, wat pragtige uitsigte oor die Namib woestynvlaktes bied in die streek waar die wildeperde hulle bevind.Die roetes volg ook gedeeltes van die geskiedkundige Duitse transportroetes wat uit die Eerste Wêreldoorlog dateer. Aangesien sowat 60% van die resies op 'n enkelspoor-roete plaasvind, gaan dit beslis vir baie opwinding sorg en sal dit verseker 'n toets vir alle deelnemers se fietsryvaardigheid en uithouvermoë wees. Baie moeite word egter vanjaar gedoen om selfs die epiese opdraand bekend as “The Wall” met tot 28 grade klimdele meer rybaar te maak. Die hooforganiseerder en kanniedood-fietsryer Piet Swiegers het selfs die padbouspan van Raubex Constuction ingebring om te help met die baanoppervlak te ontwerp. Die wegspring is op Saterdag 29 April om 14:30 met die tydtoets wat net vir die deelnemers aan die volle marathon van toepassing is. Op die Sondag en Maandag om 07:30 spring die volle en halfmarathon-ryers weg om dan onderskeidelik 60 km en 33 km te voltooi.Die Racing Rhino-kategorie word weer aangebied om swaarder mans te akkommodeer wat aan beide die volle en halfmarathon wil deelneem. Mans swaarder as 90 kilogram ten tyde van hul registrasie kwalifiseer vir deelname aan dié kategorie.Ander afstande vir die jonger garde is 'n 18 km roete wat hoofsaaklik op 'n enkelspoorbaan plaasvind, asook 'n 3 km baan vir peuters.Vir ondersteuners is daar uitkykpunte naby die kampeerterrein wat met 'n voertuig toeganklik is. Ondersteuners kan ook verskeie staproetes volg om die fietsryers in aksie te sien. Diegene wat eerder wil ontspan, kan langs die swembad in die koelte by Desert Horse Inn wag vir deelnemers om die eindstreep oor te steek.Inskrywings is nog oop tot 15 April vir dié wat nog nie ingeskryf het nie. Kontak Piet Swiegers by 081 407 0691 of info@klein-aus-vista.com vir meer inligting, of besoek www.klein-aus-vista-mtb-challege.com.'n Verskeidenheid pryse is deurentyd op die spel in die verskillende kategorieë, terwyl die victor en victrix ludorums elkeen met N$10 000 sal wegstap.Vanjaar se titelborg Standard Bank Namibia verskaf alle kontantpryse in die verskillende kategorieë, Maerua & die Grove SuperSpar gee koopbewyse en die Gondwana Collection borg die N$10 000 elk vir die algehele mans- en vroue wenners.Mannie's Bike Mecca, Rust & Vrede Wines, Beyerskloof Wines, Middelvlei Wines, Raubex Contruction is ander ondersteunende borge.

Suide se eie skofresies wag vir dapperes

Kommentaar

Republikein 2025-06-17

Meld asseblief aan om kommentaar te lewer

Suide se eie skofresies wag vir dapperes

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie