Suburbs oorgehaal vir aankoms van Unam
Die NRU premierliga begin komende naweek met vier “derby-wedstryde”.
Andrew Poolman - FNB Western Suburbs is gereed om onder 'n nuwe afrigterspan 'n sterk aanslag op die Namibië Rugby-unie se premierliga vir 2017 van stapel te stuur.
Die premierliga begin reeds komende naweek, met Suburbspark wat die besoek van die kampioen van die laaste twee seisoene, FNB Unam, inwag.
Die Khomasdallers wat in 2008 en 2013 die veelgesogte titel in die premierliga gewen het, praat gereeld kopskuddend van die verskynsel dat hulle gereeld na nuwe hoofafrigters moet soek omdat enigiemand wat hom in dié posisie vestig, na hoër diens by die NRU se nasionale opset opgeroep word. Tevore het dit met Johan Diergaardt, Walter Don, Roger Thompson en in die mees onlangse geval ook met Sergio de la Harpe as krag- en kondisioneringsafrigter gebeur.
“Rudolf Witbooi neem oor as ons hoofafrigter. Hy het reeds in die laaste seisoene 'n pad met ons eerste span gestap en ek het volle vertroue dat hy reeds genoeg volwassenheid en bekwaamheid in sy afrigting opgebou het om dinge op sy eie stoom te kan vasvat,” sê Suburbs se voorsitter, mnr. Corrie Mensah.
Mensah het ook bekend gemaak dat Walter Don sy terugkeer tot die spel maak om as die klub se direkteur van rugby rigting aan die strategiese benadering te gee.
Don is in 2014 geloof vir sy bydrae toe hy as agterlyn-afrigter van die Namibiese toetsspan bedank het en sy posisie het lank leeg gebly totdat die oud-Springbok Pieter Rossouw aangestel is.
Benewens Witbooi is daar verder nuwe bloed in Suburbs se afrigtingspanne met die aansluiting van Attie du Plessis en Shaun Kaizemi. Laasgenoemde het tot laasjaar nog op Curriebeker-vlak losskakel gespeel, maar het glo nie meer aspirasies om as speler só ernstig te wees nie.
Nog 'n nuweling is Cornell Thompson, ook 'n oudspeler van die groen-en-wittes, wat as spanbestuurder aangestel is.
Mensah sê die getalle by die Khomasdallers se oefensessies lyk goed. Die afgelope seisoene het Suburbs altyd oorgenoeg talent in sy agterlyn gehad, hoewel dieselfde diepte nie by die voorspelers en veral in die vaste vyf beskikbaar was nie. Die voorsitter is egter positief dat al die posisies vir komende naweek na behore gevul sal wees.
“Die spelers in die nasionale oefengroep is vrygestel vir klubdiens. Dis net die spelers in die Namibiese sewesrugby-groep wat vanweë 'n oefenkamp by die kus afwesig en onbeskikbaar is,” sê Mensah.
Komende naweek se botsing teen Unam sal nie die gebruiklike jaarlikse derby tussen die twee klubs wees nie. Eers die herontmoeting by Unam in die tweede ronde sal dié status hê.
Mensah het uitgewys dat Western Suburbs se klubhuis ook nou weer vir funksies beskikbaar is. Vir besprekings kan James Kisting by sel. 081 122 6637 geskakel word.
• Komende naweek se ligaprogram vir die begin van die premierliga:
15:15 FNB Wanderers 1 tn Trustco United 1 by Wanderers (derby)
15:15 Kudus 1 tn Walvisbaai 1 in Narraville
15:15 Rehoboth 1 tn Reho Falcon 1 op Rehoboth
15:15 FNB Western Suburbs 1 tn FNB Unam 1 by Suburbspark
Die betrokke klubs se tweede spanne sal telkens om 13:30 in die NRU reserweliga teen mekaar te staan kom.
• In die eerste liga verloop die eerste naweek soos volg:
15:00 Etosha Lions tn Grootfontein op Tsumeb
15:00 Oshakati Rebels tn Jaguars op Oshakati
15:00 Erongo Rugby Academy tn West Coast Sharks op Swakopmund
15:00 Dolphin tn Unam III op Swakopmund
15:00 Eastern Bulls tn NUST op Gobabis
Die premierliga begin reeds komende naweek, met Suburbspark wat die besoek van die kampioen van die laaste twee seisoene, FNB Unam, inwag.
Die Khomasdallers wat in 2008 en 2013 die veelgesogte titel in die premierliga gewen het, praat gereeld kopskuddend van die verskynsel dat hulle gereeld na nuwe hoofafrigters moet soek omdat enigiemand wat hom in dié posisie vestig, na hoër diens by die NRU se nasionale opset opgeroep word. Tevore het dit met Johan Diergaardt, Walter Don, Roger Thompson en in die mees onlangse geval ook met Sergio de la Harpe as krag- en kondisioneringsafrigter gebeur.
“Rudolf Witbooi neem oor as ons hoofafrigter. Hy het reeds in die laaste seisoene 'n pad met ons eerste span gestap en ek het volle vertroue dat hy reeds genoeg volwassenheid en bekwaamheid in sy afrigting opgebou het om dinge op sy eie stoom te kan vasvat,” sê Suburbs se voorsitter, mnr. Corrie Mensah.
Mensah het ook bekend gemaak dat Walter Don sy terugkeer tot die spel maak om as die klub se direkteur van rugby rigting aan die strategiese benadering te gee.
Don is in 2014 geloof vir sy bydrae toe hy as agterlyn-afrigter van die Namibiese toetsspan bedank het en sy posisie het lank leeg gebly totdat die oud-Springbok Pieter Rossouw aangestel is.
Benewens Witbooi is daar verder nuwe bloed in Suburbs se afrigtingspanne met die aansluiting van Attie du Plessis en Shaun Kaizemi. Laasgenoemde het tot laasjaar nog op Curriebeker-vlak losskakel gespeel, maar het glo nie meer aspirasies om as speler só ernstig te wees nie.
Nog 'n nuweling is Cornell Thompson, ook 'n oudspeler van die groen-en-wittes, wat as spanbestuurder aangestel is.
Mensah sê die getalle by die Khomasdallers se oefensessies lyk goed. Die afgelope seisoene het Suburbs altyd oorgenoeg talent in sy agterlyn gehad, hoewel dieselfde diepte nie by die voorspelers en veral in die vaste vyf beskikbaar was nie. Die voorsitter is egter positief dat al die posisies vir komende naweek na behore gevul sal wees.
“Die spelers in die nasionale oefengroep is vrygestel vir klubdiens. Dis net die spelers in die Namibiese sewesrugby-groep wat vanweë 'n oefenkamp by die kus afwesig en onbeskikbaar is,” sê Mensah.
Komende naweek se botsing teen Unam sal nie die gebruiklike jaarlikse derby tussen die twee klubs wees nie. Eers die herontmoeting by Unam in die tweede ronde sal dié status hê.
Mensah het uitgewys dat Western Suburbs se klubhuis ook nou weer vir funksies beskikbaar is. Vir besprekings kan James Kisting by sel. 081 122 6637 geskakel word.
• Komende naweek se ligaprogram vir die begin van die premierliga:
15:15 FNB Wanderers 1 tn Trustco United 1 by Wanderers (derby)
15:15 Kudus 1 tn Walvisbaai 1 in Narraville
15:15 Rehoboth 1 tn Reho Falcon 1 op Rehoboth
15:15 FNB Western Suburbs 1 tn FNB Unam 1 by Suburbspark
Die betrokke klubs se tweede spanne sal telkens om 13:30 in die NRU reserweliga teen mekaar te staan kom.
• In die eerste liga verloop die eerste naweek soos volg:
15:00 Etosha Lions tn Grootfontein op Tsumeb
15:00 Oshakati Rebels tn Jaguars op Oshakati
15:00 Erongo Rugby Academy tn West Coast Sharks op Swakopmund
15:00 Dolphin tn Unam III op Swakopmund
15:00 Eastern Bulls tn NUST op Gobabis
Kommentaar
Republikein
Geen kommentaar is op hierdie artikel gelaat nie