Styging van 56% in nuwe gevalle, 184 gister aangemeld

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en wel 140 aangeteken. Die nuwe gevalle sluit 19 studente, 12 leerlinge en 12 gesondheidswerkers in. Die aktiewe gevalle staan tans op 417 warvan 20 in die hospitaal en een in die ICU is. Tot op hede het 373 811 mense 'n eerste dosis entstof ontvang, teenoor die 314 899 wat ten volle ingeënt is. Die herstelkoers bly op 97,2% en die sterftesyfer op 3 573.