Studentevereniging skenk groot

Tanja BauseTwee Namibiërs en hul vriendekring in Duitsland het drie weke gelede met 'n geldinsamelingsveldtog begin om die druk op hospitale weens die Covid-19-pandemie te verlig. Mnr. Jochen Schindler en dr. Matthias Rohr van Namibië en hul vriende in Duitsland, wat almal lede is van die studentevereniging, Corps Bavaria Würzburg, het in drie weke 30 000 euro (N$514 000) ingesamel. Die lede in Duitsland het die ventilators aangekoop en Schindler en Rohr het die res georganiseer. “Danksy die toegewing van 'n vervaardiger van hoëvloei-suurstofmasjiene van Würzburg, kon ons vier van die masjiene en talle toebehore aankoop. Die aankoop van nog twee masjiene is moontlik gemaak deur 'n skenking van 10 000 euro van die Miesbach-tak van die Beierse Rooi Kruis,” het Schindler gesê. Die masjiene is maklik om te gebruik, stabiel en benodig min onderhoud wat hulle ideaal vir Namibië maak. Me. Lucia Radovanovic, kommersiële berader van die Namibiese ambassade in Duitsland, het vervoer met Lufthansa gereël en die masjiene en toebehore het Sondag in Namibië aangekom. TWEEDE BESENDING KOMDie toerusting is aan die superintendent van die Katutura-hospitaal, dr. Nelago Amagulu, oorhandig. Die personeel van die asemhalingseenheid – waar die ventilator gebruik sal word – sal reeds dié week video-opleiding van mnr. Rick Coury van Apex Medical CC ontvang.“Die tweede besending sal binne die volgende twee weke in Namibië aankom. Dit is nog 'n suurstoftoestel en toebehore wat deur nog 'n private inisiatief van die Duits-Namibiese Vereniging georganiseer is. Dit sluit ook twee waaiers van die voorrade van die Nuremberg-kliniek in. Ons is oorstelp dat ons die hulp in so 'n kort tydjie kon organiseer en dit hier is en gebruik kan word,” het hy gesê.

Studentevereniging skenk groot

Kommentaar

Republikein 2025-11-05

Meld asseblief aan om kommentaar te lewer

Studentevereniging skenk groot

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.