Strydkinders wil nie leer, maar werk
N$11 miljoen beskikbaar
Lede van die groep strydkinders wat op die Ndilimani-plaas in Brakwater buite Windhoek bly, is deur die media ingelig geld gaan vir hul opleiding en hervestiging bewillig word.
Volgens mnr. Jerry Amukwaya, een van hul lede, het hulle "nou eers hiervan gehoor en lees dit net in die koerante. Ons was nie bewus hiervan nie."
Amukwaya was dit eens dat die groep vir amptenare gaan wag om hulle in te lig, maar het hy gesê die groep soek werk, nie opleiding nie.
"Dit is nie wat ons hierna toe gebring het nie. Hulle het klaar misluk om ons primêre opvoeding te gee. Nou sal dit moeilik wees vir ons om te leer. Ons het hierheen gestap vir werk, nie eintlik vir skool nie, want ons is al te oud."
Die kabinet het ''n verklaring uitgereik waarin die N$11 miljoen uit die geldkas van die Maatskaplike Voorsorgfonds (SSC) vir die sowat 1 000 strydkinders verduidelik word. Volgens die sekretaris van die kabinet, mnr. George Simataa, is die besluit deur president Hage Geingob goedgekeur en volg dit op ''n kabinetsbesluit om die lot van die strydkinders te verbeter.
Tydens dieselfde kabinetsitting op 8 Julie vanjaar is ook besluit om die groep na Berg Aukas naby Grootfontein en Farm Du Plessis in die Omahekestreek te hervestig. Hier sal die strydkinders tegniese opleiding in onder meer landbou, spyseniering en meganika ontvang om werk te kry of vir hulself werk te skep. Van die strydkinders is ook na die Namibiese Instituut vir Mynbou en Tegnologie (Nimt) vir opleiding gestuur.
Simataa verwys in die verklaring na die Maatskaplike Voorsorgfondswet, Wet nr. 3 van 1994, wat bepaal hoe geld in die fonds gebruik mag word. Hy verwys voorts na artikel 37 (4) (a) en (b) van die wet waarin goedkeuring verleen word vir die betaling van opleidingskemas en werkverskaffing vir minder gegoede Namibiërs en ook geldelike hulp aan mense wat verder wil studeer.
“Laat dit duidelik gestel word dat deeglikheid en aanspreeklikheid met die bestuur van hierdie fondse uitgeoefen word, daarom is die SME Bank as bestuurder van die geld geïdentifiseer. Alle statutêre vereistes sal aan voldoen word.”
Volgens mnr. Jerry Amukwaya, een van hul lede, het hulle "nou eers hiervan gehoor en lees dit net in die koerante. Ons was nie bewus hiervan nie."
Amukwaya was dit eens dat die groep vir amptenare gaan wag om hulle in te lig, maar het hy gesê die groep soek werk, nie opleiding nie.
"Dit is nie wat ons hierna toe gebring het nie. Hulle het klaar misluk om ons primêre opvoeding te gee. Nou sal dit moeilik wees vir ons om te leer. Ons het hierheen gestap vir werk, nie eintlik vir skool nie, want ons is al te oud."
Die kabinet het ''n verklaring uitgereik waarin die N$11 miljoen uit die geldkas van die Maatskaplike Voorsorgfonds (SSC) vir die sowat 1 000 strydkinders verduidelik word. Volgens die sekretaris van die kabinet, mnr. George Simataa, is die besluit deur president Hage Geingob goedgekeur en volg dit op ''n kabinetsbesluit om die lot van die strydkinders te verbeter.
Tydens dieselfde kabinetsitting op 8 Julie vanjaar is ook besluit om die groep na Berg Aukas naby Grootfontein en Farm Du Plessis in die Omahekestreek te hervestig. Hier sal die strydkinders tegniese opleiding in onder meer landbou, spyseniering en meganika ontvang om werk te kry of vir hulself werk te skep. Van die strydkinders is ook na die Namibiese Instituut vir Mynbou en Tegnologie (Nimt) vir opleiding gestuur.
Simataa verwys in die verklaring na die Maatskaplike Voorsorgfondswet, Wet nr. 3 van 1994, wat bepaal hoe geld in die fonds gebruik mag word. Hy verwys voorts na artikel 37 (4) (a) en (b) van die wet waarin goedkeuring verleen word vir die betaling van opleidingskemas en werkverskaffing vir minder gegoede Namibiërs en ook geldelike hulp aan mense wat verder wil studeer.
“Laat dit duidelik gestel word dat deeglikheid en aanspreeklikheid met die bestuur van hierdie fondse uitgeoefen word, daarom is die SME Bank as bestuurder van die geld geïdentifiseer. Alle statutêre vereistes sal aan voldoen word.”
Kommentaar
Republikein
Geen kommentaar is op hierdie artikel gelaat nie