Stroming laat musiekbedryf ‘herleef’
Sony besit nou die regte van meer as 2-miljoen liedjies en YouTube het sy eie musiekstromingdiens bekendgestel.
Sony is gereed om die wêreld se grootste musiekuitgewer te word nadat Dinsdag bekend gemaak is die Japanse maatskappy gaan US$2,3 miljard betaal vir ’n beherende belang in EMI.
Sony gaan sodoende dus die beherende regte besit op meer as twee miljoen liedjies, waaronder musiek van gewilde kunstenaars soos Queen, Carole King en Alicia Keys, tot Kanye West en Pharrell Williams.
Sony se bestaande katalogus sluit reeds die musiek van die Beatles in.
Kanichiro Yoshida, uitvoerende hoof, het ná die aankondiging gesê musiekstromingsdienste soos Spotify, Apple Music en deesdae ook YouTube Music, laat die musiekbedryf “herleef”.
“Ons is opgewonde om EMI by die Sony-familie te verwelkom en ons eerste plek in die musiekuitgewersbedryf te behou,” sê Yoshida.
“Hierdie belegging in intellektuele eiendom is ’n sleutel tot langtermyngroei.”
EMI beheer sowat 15% van die musiekbedryf. Sodra sy katalogus by Sony s’n gevoeg word, sal die Japanse maatskappy ’n markaandeel van 26% hê, berig Reuters.
Ander groot rolspelers in die bedryf sluit in Universal Music en Warner Music, hoewel hul presiese markaandeel nie bekend is nie.
Sony se jongste aankoop is die grootste nog onder Yoshida se leiding. Hy het die leisels vroeër vanjaar by Kazou Hirai oorgeneem.
Die maatskappy het in April ’n netto wins van US$3,42 miljard verklaar vir die afgelope boekjaar, sewe keer meer as in 2016.
YouTube Music beskikbaar
YouTube se eie musiekstromingsdiens is Woensdag in Amerika, Australië en Nieu-Seeland bekend gestel en bied speellyste gegrond op gebruikers se kykgewoontes op die platform.
Volgens die maatskappy sal ’n algoritme jou YouTube-geskiedenis nagaan en patrone identifiseer oor die soort musiek waarvan jy hou.
Die diens is gratis mits jy bereid is om advertensies tussen liedjies te hoor. Die premiumweergawe kos dieselfde as Apple Music, Spotify en ander dienste per maand, naamlik US$9,99.
Dit is nog nie duidelik wanneer dit in Suid-Afrika beskikbaar gaan wees nie.
Google, YouTube se moedermaatskappy, bied reeds ’n plaaslike musiekstromingsdiens in die vorm van Google Music.
Musiekstromingsdienste sal na raming US$28 miljard werd wees teen 2030. – Netwerk24
Sony gaan sodoende dus die beherende regte besit op meer as twee miljoen liedjies, waaronder musiek van gewilde kunstenaars soos Queen, Carole King en Alicia Keys, tot Kanye West en Pharrell Williams.
Sony se bestaande katalogus sluit reeds die musiek van die Beatles in.
Kanichiro Yoshida, uitvoerende hoof, het ná die aankondiging gesê musiekstromingsdienste soos Spotify, Apple Music en deesdae ook YouTube Music, laat die musiekbedryf “herleef”.
“Ons is opgewonde om EMI by die Sony-familie te verwelkom en ons eerste plek in die musiekuitgewersbedryf te behou,” sê Yoshida.
“Hierdie belegging in intellektuele eiendom is ’n sleutel tot langtermyngroei.”
EMI beheer sowat 15% van die musiekbedryf. Sodra sy katalogus by Sony s’n gevoeg word, sal die Japanse maatskappy ’n markaandeel van 26% hê, berig Reuters.
Ander groot rolspelers in die bedryf sluit in Universal Music en Warner Music, hoewel hul presiese markaandeel nie bekend is nie.
Sony se jongste aankoop is die grootste nog onder Yoshida se leiding. Hy het die leisels vroeër vanjaar by Kazou Hirai oorgeneem.
Die maatskappy het in April ’n netto wins van US$3,42 miljard verklaar vir die afgelope boekjaar, sewe keer meer as in 2016.
YouTube Music beskikbaar
YouTube se eie musiekstromingsdiens is Woensdag in Amerika, Australië en Nieu-Seeland bekend gestel en bied speellyste gegrond op gebruikers se kykgewoontes op die platform.
Volgens die maatskappy sal ’n algoritme jou YouTube-geskiedenis nagaan en patrone identifiseer oor die soort musiek waarvan jy hou.
Die diens is gratis mits jy bereid is om advertensies tussen liedjies te hoor. Die premiumweergawe kos dieselfde as Apple Music, Spotify en ander dienste per maand, naamlik US$9,99.
Dit is nog nie duidelik wanneer dit in Suid-Afrika beskikbaar gaan wees nie.
Google, YouTube se moedermaatskappy, bied reeds ’n plaaslike musiekstromingsdiens in die vorm van Google Music.
Musiekstromingsdienste sal na raming US$28 miljard werd wees teen 2030. – Netwerk24
Kommentaar
Republikein
Geen kommentaar is op hierdie artikel gelaat nie