Stormloop vir AstraZeneca

Byna een derde van Namibië se nuwe voorraad AstraZeneca, geskenk deur Nederland, is in die eerste week sedert die aankoms van die entstowwe gebruik.Rekordgetalle tweede inentings is van Maandag tot Donderdag gedoen as gevolg van die stormloop.Van die 75 000 nuwe dosisse AstraZeneca is 21 960 (29%) reeds benut. Hiervan was 1 278 eerste spuite en 20 682 opvolginentings.Sewe streke het egter nie data vir Vrydag verskaf nie en die Kavango-Wes- en Kunene-streke ook nie vir Donderdag nie. Die syfer kan dus hoër wees.Dinsdag is in totaal byna 10 000 inentings aangeteken – die meeste nog op een dag. Amper 7 500 hiervan was met AstraZeneca; digby 3 500 daarvan in Windhoek.Eerste inentings met hierdie entstof het stelselmatig toegeneem; van 21 verlede Maandag tot 404 die afgelope Donderdag.Net een streek, Zambezi, het geen eerste inentings met AstraZeneca gedoen nie.Eerste spuite met AstraZeneca is per streek soos volg gerapporteer: Erongo 218, Hardap 2, Kavango-Oos 117, Kavango-Wes 30, //Kharas 70, Khomas 50, Kunene 4, Ohangwena 6, Omaheke 203, Omusati 63, Oshana 190, Oshikoto 46 en Otjozondjupa 269.Spuite met AstraZeneca verteenwoordig 64% van alle inentings die afgelope week.Buiten vir hierdie byna 22 000 spuite is 12 339 inentings met Sinopharm gedoen; 8 379 eerste immuniserings en 3 960 opvolgspuite.Die week se totaal was meer as 34 000 inentings; sonder uitstaande syfers. Twee en sewentig persent daarvan was tweede inentings.

Stormloop vir AstraZeneca

Kommentaar

Republikein 2026-06-24

Meld asseblief aan om kommentaar te lewer

Stormloop vir AstraZeneca

Kommentaar

Republikein 2026-06-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.