Stop die geweld

Tanja Bause - Ongeveer 100 mense van die Okahandja Park-, Babylon- en Kilimanjaro- informele nedersetting in Windhoek het gister aan ’n optog teen geslagsgebaseerde geweld en geweld teen kinders deelgeneem. Die optog is deur me. Hilia Nambinga, hoof van die Hope Initiatives Namibia-gemeenskapsentrum (Hisa), gereël as deel van die 16 dae lange veldtog van aktivisme teen geweld teen vroue en kinders. “Ons het met die gemeenskap gesels terwyl ons deur die drie informele nedersettings gestap en pamflette uitgedeel het. Ons sien baie kinders wat geslaan of met warm water gegooi word. Ons kry ook dikwels kinders wat voor ons hek staan en baie honger is. Hulle vertel dan dat hulle ma hulle sonder kos in die huis toegesluit het en hulle honger is. Dit is nodig dat ons met gemeenskapslede oor geslagsgeweld praat. Ons het ook gedink dit is nodig om ons kinders nou al te leer wat reg en verkeerd is,” het Nambinga gesê. Me. Martha Frans, ’n lid van die gemeenskap wat saam gestap het, sê die gemeenskap moet saamstaan om ’n positiewe verandering te bewerkstellig. “Ons moet mekaar ondersteun en opvoed. Baie vroue is ook bang om na vore te kom as hulle in gewelddadige verhoudings is omdat hulle weens armoede afhanklik van die mans is. As jy hulle gaan rapporteer dan eet jy nie,” het sy gesê. - tanja@republikein.com.na

Stop die geweld

Kommentaar

Republikein 2025-05-02

Meld asseblief aan om kommentaar te lewer

Stop die geweld

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie