Stiefpa verskyn vir verkragting, dood van meisie

Jacqueline Louw - Staatsadvokaat Cliff Lutibezi het tydens sy slotbetoog in die saak van die beweerde moord op die 18-jarige Izelda Kock deur haar stiefpa, mnr. David Kido, gesê sy getuienis voor die hof het soveel verskillende weergawes gelewer dat niemand meer weet wat die regte een is nie.Hy het verder betoog dat die forensiese getuienis nie van hulp was nie omdat die liggaam van Kock in ''n toestand van ontbinding was toe dit gevind is. Volgens hom was genoeg omstandigheidsgetuienis wel beskikbaar om ''n sterk saak teen Kido op te stel. Lutibezi het verskeie teenstrydighede in die getuienis van Kido uitgewys. Kido het byvoorbeeld ná die beweerde moord verduidelik dat die krapmerke aan sy lyf die gevolg van ''n fietsongeluk in Augustus was, maar volgens ''n doktersverslag sou dié wonde op 26 September reeds genees het, en nie so vars voorgekom het nie.Lutibezi het die hof versoek om Kido aan al die klagte teen hom skuldig te bevind. Hy word van vyf klagte beskuldig: Moord, verkragting, dwarsboming van die gereg en twee klagte van aanranding met die doel om ernstige liggaamlike leed te veroorsaak.Kido se prokureur, mnr. Titus Mbaeva, het aangevoer die staat het nie bo redelike twyfel bewys dat Kido die oorledene verkrag het nie. Hy het verder aangevoer dat sekerheid nie bestaan of enige seksdaad vóór of ná haar dood met haar gepleeg is nie. Kido se pleit in verband met die moordklag is dat sy per ongeluk doodgemaak is. Mbaeva het ook betoog die staat nie bewys het dat Kido aan dwarsboming van die gereg skuldig is nie.Volgens die klagstaat was Kido ''n aanneemvader vir Kock en haar suster omdat hy in ''n romantiese verhouding met die meisies se moeder was.DruipDie oorledene en haar suster het hul skooleksamens gedruip en het die Augustus 2013 skoolvakansie op die plaas Jakkalsfontein in die distrik van Mariental deurgebring waar die beskuldigde in diens was. Kido het glo daarop aangedring dat die susters skool moes verlaat, maar hulle was vasbeslote om hul skoolloopbane voort te sit.Kido het die oorledene glo beveel om die plaas te verlaat en terwyl sy op pad was, het hy haar gevolg en met ''n paal geslaan. Hy het haar suster na bewering ook met die paal geslaan. Gedurende September 2013 het die oorledene alleen by haar stiefpa op die plaas gebly. Dit is die staat se saak dat Kido die oorledene gedurende die tydperk 18 tot 23 September verkrag het. Hy het haar na bewering verwurg en met ''n onbekende voorwerp oor die kop geslaan waarna hy haar begrawe en haar besittings verbrand het. Die beskuldigde het Kock as vermis by die polisiekantoor op Mariental aangegee.Waarnemende regter Boas Usiku sal sy uitspraak op 29 November lewer.

Stiefpa verskyn vir verkragting, dood van meisie

Kommentaar

Republikein 2026-02-04

Meld asseblief aan om kommentaar te lewer

Stiefpa verskyn vir verkragting, dood van meisie

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.