Sterker rand bring vreugde oor petrolprys
Die volgehoue sterk rand dui op 'n toename in vertroue onder buitelandse beleggers dat Suid-Afrika een van die opkomende markte is wat die mas behoort op te kom indien Amerika se rentekoerse binnekort styg.
Chris Harmse
Janet Yellen, voorsitter van Amerika se Federale Reserweraad in Kalifornië, het verlede Vrydag die menings van talle ontleders bevestig dat die Amerikaanse rentekoerse oor twee weke waarskynlik gaan styg.
Die rand het in laat verhandeling Vrydagaand verder verstewig van R13,07 teenoor die dollar teen die sluitingstyd van verhandeling in die plaaslike mark, tot R13 teenoor die dollar met die sluiting in New York later die aand.
Die geldeenheid het ook gou tot onder R16 teenoor die pond verstewig.
Die sterk sentiment jeens 'n styging in Amerika se rentekoerse het ook tot 'n verlaging in hulpbronpryse bygedra.
Platinum verhandel weer onder US$1 000 per ons terwyl die Brent-ruolieprys tot US$55,90 per vat gedaal het.
Die sterker rand en laer olieprys hou verreikende positiewe gevolge vir die Suid-Afrikaanse ekonomie in.
Tot Vrydag is die oorverhaling in die petrolprys reeds meer as 40c per liter.
Gegewe die daling van 8c per liter sedert 1 Maart, kan dit beteken dat die petrolprys teen die begin van April in geheel met 48c per liter laer kan wees as op die dag van die minister van finansies, Pravin Gordhan, se begrotingsrede in Februarie.
Dit beteken ondanks die hoër heffings van 39c per liter wat afgekondig is en op 5 April in werking tree, kan die verbruiker steeds 9c per liter minder betaal.
Die prys van diesel kan ook veel minder met net ongeveer 20c per liter styg.
Dit kan 'n beduidende uitwerking plaaslik op die inflasiekoers hê. Die verwagting is reeds dat voedselpryse gaan daal, met die prys vir wit- en geelmielies wat reeds 40% laer as verlede jaar is.
Dit kan beteken rentekoerse in Suid-Afrika kan teen die einde van die jaar begin daal ondanks die rentekoersrisiko vanuit Amerika.
Die sterker rand veroorsaak egter dat aandeelpryse in Suid-Afrika nie teen dieselfde koers styg as wat in ander lande en markte die geval is nie.
Die indeks van alle aandele het verlede week met slegs 99 punte of 0,2% gestyg.
Die indeks van hulpbronaandele het weens die daling in hulpbronpryse in randterme verder met 2,8% teruggesak. Randverskanste aandele, veral dié in die nywerheidsektor, kry ook swaar en het bygedra daartoe dat die nywerheidsindeks met 1,2% laer gesluit het.
Die aandeelprys van banke en die finansiële indeks het egter ná 'n oorreaksie op die ondersoek van die Mededingingskommissie na samespanning tussen valutahandelaars rondom 'n moontlike manipulasie van die rand se wisselkoers die week hoër afgesluit.
• Dr. Chris Harmse is die hoofekonoom van Rebalance Fondsbestuurders.
Janet Yellen, voorsitter van Amerika se Federale Reserweraad in Kalifornië, het verlede Vrydag die menings van talle ontleders bevestig dat die Amerikaanse rentekoerse oor twee weke waarskynlik gaan styg.
Die rand het in laat verhandeling Vrydagaand verder verstewig van R13,07 teenoor die dollar teen die sluitingstyd van verhandeling in die plaaslike mark, tot R13 teenoor die dollar met die sluiting in New York later die aand.
Die geldeenheid het ook gou tot onder R16 teenoor die pond verstewig.
Die sterk sentiment jeens 'n styging in Amerika se rentekoerse het ook tot 'n verlaging in hulpbronpryse bygedra.
Platinum verhandel weer onder US$1 000 per ons terwyl die Brent-ruolieprys tot US$55,90 per vat gedaal het.
Die sterker rand en laer olieprys hou verreikende positiewe gevolge vir die Suid-Afrikaanse ekonomie in.
Tot Vrydag is die oorverhaling in die petrolprys reeds meer as 40c per liter.
Gegewe die daling van 8c per liter sedert 1 Maart, kan dit beteken dat die petrolprys teen die begin van April in geheel met 48c per liter laer kan wees as op die dag van die minister van finansies, Pravin Gordhan, se begrotingsrede in Februarie.
Dit beteken ondanks die hoër heffings van 39c per liter wat afgekondig is en op 5 April in werking tree, kan die verbruiker steeds 9c per liter minder betaal.
Die prys van diesel kan ook veel minder met net ongeveer 20c per liter styg.
Dit kan 'n beduidende uitwerking plaaslik op die inflasiekoers hê. Die verwagting is reeds dat voedselpryse gaan daal, met die prys vir wit- en geelmielies wat reeds 40% laer as verlede jaar is.
Dit kan beteken rentekoerse in Suid-Afrika kan teen die einde van die jaar begin daal ondanks die rentekoersrisiko vanuit Amerika.
Die sterker rand veroorsaak egter dat aandeelpryse in Suid-Afrika nie teen dieselfde koers styg as wat in ander lande en markte die geval is nie.
Die indeks van alle aandele het verlede week met slegs 99 punte of 0,2% gestyg.
Die indeks van hulpbronaandele het weens die daling in hulpbronpryse in randterme verder met 2,8% teruggesak. Randverskanste aandele, veral dié in die nywerheidsektor, kry ook swaar en het bygedra daartoe dat die nywerheidsindeks met 1,2% laer gesluit het.
Die aandeelprys van banke en die finansiële indeks het egter ná 'n oorreaksie op die ondersoek van die Mededingingskommissie na samespanning tussen valutahandelaars rondom 'n moontlike manipulasie van die rand se wisselkoers die week hoër afgesluit.
• Dr. Chris Harmse is die hoofekonoom van Rebalance Fondsbestuurders.
Kommentaar
Republikein
Geen kommentaar is op hierdie artikel gelaat nie