Sterk wind ontwortel bome
Tanja Bause - Sterk winde het Dinsdag verskeie bome in Oranjemund ontwortel en ook skadunette afgewaai. Volgens mnr. Visser du Preez het ligte winterlandsreën die oggend op die dorp geval voor 'n sterk noordweste wind begin waai het.
“Die wind het in Vyfdelaan, ons hoofpad deur Oranjemund, 'n groot boom omgewaai wat sowat 40 jaar terug geplant is. Ook in Elfdelaan voor een van die kerke en buite die dorp is bome ontwortel. Skadunette wat vir die kapana-verkopers se verkoopsplekke gespan is, het ook afgewaai,” het hy gesê.
“Die sandduine het gisteroggend (Woensdag) oor Industrial-straat hier in die dorp gelê en konstruksieborde is omgewaai en gebuig.”
Volgens Du Preez het die wind so teen 16:00 gaan lê toe dit weer liggies begin reën het.
“Dit het ook nog deur die nag gereën. Woensdagoggend het ons die mooiste weer gehad met bietjie mis wat ingekom het,” het hy gesê.
Rosh Pinah het ook Dinsdag onder die sterk wind deurgeloop. Volgens mnr. Bruno Feris het die noordwestewind om 18:30 teen 71lm/h gewaai het en het dit ook liggies op die dorp gereën.
“Die wind het in Vyfdelaan, ons hoofpad deur Oranjemund, 'n groot boom omgewaai wat sowat 40 jaar terug geplant is. Ook in Elfdelaan voor een van die kerke en buite die dorp is bome ontwortel. Skadunette wat vir die kapana-verkopers se verkoopsplekke gespan is, het ook afgewaai,” het hy gesê.
“Die sandduine het gisteroggend (Woensdag) oor Industrial-straat hier in die dorp gelê en konstruksieborde is omgewaai en gebuig.”
Volgens Du Preez het die wind so teen 16:00 gaan lê toe dit weer liggies begin reën het.
“Dit het ook nog deur die nag gereën. Woensdagoggend het ons die mooiste weer gehad met bietjie mis wat ingekom het,” het hy gesê.
Rosh Pinah het ook Dinsdag onder die sterk wind deurgeloop. Volgens mnr. Bruno Feris het die noordwestewind om 18:30 teen 71lm/h gewaai het en het dit ook liggies op die dorp gereën.
Kommentaar
Republikein
Geen kommentaar is op hierdie artikel gelaat nie