Steinhoff: Wie is Town Investments?
Dit blyk nou dat dié onderneming as 'n tussengangermaatskappy die aandele in Tekkie Town eers gekoop het en dit later aan Steinhoff verkoop het.
Nellie Brand-Jonker – Hoe pas die maatskappy Town Investments in die Steinhoff-legkaart in?
Dié naam het onlangs opgeduik in hofstukke wat deur die oorspronklike eienaars van Tekkie Town teen Steinhoff ingedien is.
Dit blyk nou dat Steinhoff nie – soos voorheen veronderstel is – in 2016 die private-ekwiteitsmaatskappy Actis se aandele in Tekkie Town regstreeks gekoop het nie, maar dat Town Investments as 'n tussengangermaatskappy dit eers gekoop en dit later aan Steinhoff verkoop het.
Town Investments deel ’n posbus met Mayfair Speculators, die beleggingsvoertuig van Markus Jooste, voormalige uitvoerende hoof van Steinhoff.
Een posbus ‘is prakties’
Nie Steinhoff of Jan (Johannes Henoch Neethling) van der Merwe, ’n direkteur van Town Investments, wou vrae beantwoord oor wie die aandeelhouers van die maatskappy is nie.
Die posadres is vir praktiese doeleindes gedeel.
Jan van der Merwe
Van der Merwe ontken wel ’n verband tussen Town Investments en Mayfair Speculators. “Die posadres is vir praktiese doeleindes gedeel.”
Ook die feit dat Town Investments se geregistreerde adres in Kuilrivier ooreenstem met dié van die mikrolener Capfin, is “weens praktiese redes omdat die maatskappy ’n kantoor daar huur”. Hy ontken
Hulle deel ook die posadres
Ander maatskappye met dieselfde posadres as Town Investments is almal maatskappye waarvan die geregistreerde adres ooreenstem met Mayfair Speculators se kantoor in Avon Place in Technopark, Stellenbosch.
1. Lanzerac Estate Investments
2. Mayfair Holdings
3. Coy’s Properties
4. Kalamojo Trading and Investments
5. Tothetop
6. Lodestone Brands
7. Second Chapter Investments
8. Wands Investments (sy geregistreerde adres is wel nie Avon Place nie, maar dieselfde as Town Investments s’n in Kuilsrivier). Sien onder wie die direkteure is.
ook ’n verband tussen Capfin en Town Investments.
Op die vraag hoe dit gekom het dat hy ’n direkteur van Town Investments geword het, het hy geantwoord: “Ek is deur ’n aandeelhouer gevra.”
Wie is die aandeelhouers?
Hy wou nie kommentaar lewer oor wie die aandeelhouers van Town Investments is nie: “Dit is onbelangrik, want weens sy blootstelling aan Steinhoff, word Town Investments nog altyd in die Steinhoff-groep se state gekonsolideer.”
Dit is egter nie meer die geval in Steinhoff se jongste halfjaarresultate nie. In ’n voetnota word die siening gegee dat dit nie meer nodig is om Town Investments – wat as ’n spesialedoelvoertuig beskryf word – se syfers te konsolideer nie.
In die lig van die forensiese ondersoek na sy boeke, wou Steinhoff nie hieroor vrae beantwoord nie.
’n Geoktrooieerde rekenmeester het by navraag verduidelik dié voetnota impliseer “dit is onduidelik of Steinhoff wel vir Town Investments beheer en dus deel moet vorm van Steinhoff se tussentydse resultate”.
Tekkie Town se verkryging
Volgens die koopkontrak wat aan die hofstukke geheg is, het Town Investments Actis R1,5 miljard vir die Tekkie Town-aandele betaal.
Die koopkontrak tussen Steinhoff, Town Investments en die ander verkopers toon Steinhoff het in totaal R3,257 miljard vir die Tekkie Town-aandele betaal.
Steinhoff het 43 miljoen aandele hiervoor uitgereik, waarvan Town Investments 41,7% – dus 17,9 miljoen aandele – gekry het.
Volgens Steinhoff se aandeleregister hou Town Investments steeds hierdie aandele.
Steinhoff het verlede jaar in sy resultate vir die halfjaar tot einde Maart 2017 gesê hy het €230 miljoen vir Tekkie Town “in kontant en aandele” betaal, maar geen besonderhede daaroor gegee nie.
David Cooke, Actis se hoof van Suider-Afrika, het nie op navrae gereageer nie.
Dit laat vrae oor:
1. Wie is Town Investments se aandeelhouers?
2. Hoe is die kontantbetaling aan Actis gefinansier?
3. Watter bedrag het Actis in werklikheid gekry?
Oë rek oor prys vir Tekkie Town
Netwerk24 het voorheen berig die oë het gerek oor die prys wat Steinhoff vir Tekkie Town betaal het.
In 2014 is berig Actis het $65 miljoen (sowat R719 miljoen) vir 42% van Tekkie Town betaal, wat sy markwaarde destyds op bykans R1,7 miljard sou plaas.
Die R3,257 miljard wat Steinhoff minder as twee jaar later vir Tekkie Town betaal het, is 92% meer as waarteen die maatskappy in 2014 gewaardeer is. – Netwerk24
Dié naam het onlangs opgeduik in hofstukke wat deur die oorspronklike eienaars van Tekkie Town teen Steinhoff ingedien is.
Dit blyk nou dat Steinhoff nie – soos voorheen veronderstel is – in 2016 die private-ekwiteitsmaatskappy Actis se aandele in Tekkie Town regstreeks gekoop het nie, maar dat Town Investments as 'n tussengangermaatskappy dit eers gekoop en dit later aan Steinhoff verkoop het.
Town Investments deel ’n posbus met Mayfair Speculators, die beleggingsvoertuig van Markus Jooste, voormalige uitvoerende hoof van Steinhoff.
Een posbus ‘is prakties’
Nie Steinhoff of Jan (Johannes Henoch Neethling) van der Merwe, ’n direkteur van Town Investments, wou vrae beantwoord oor wie die aandeelhouers van die maatskappy is nie.
Die posadres is vir praktiese doeleindes gedeel.
Jan van der Merwe
Van der Merwe ontken wel ’n verband tussen Town Investments en Mayfair Speculators. “Die posadres is vir praktiese doeleindes gedeel.”
Ook die feit dat Town Investments se geregistreerde adres in Kuilrivier ooreenstem met dié van die mikrolener Capfin, is “weens praktiese redes omdat die maatskappy ’n kantoor daar huur”. Hy ontken
Hulle deel ook die posadres
Ander maatskappye met dieselfde posadres as Town Investments is almal maatskappye waarvan die geregistreerde adres ooreenstem met Mayfair Speculators se kantoor in Avon Place in Technopark, Stellenbosch.
1. Lanzerac Estate Investments
2. Mayfair Holdings
3. Coy’s Properties
4. Kalamojo Trading and Investments
5. Tothetop
6. Lodestone Brands
7. Second Chapter Investments
8. Wands Investments (sy geregistreerde adres is wel nie Avon Place nie, maar dieselfde as Town Investments s’n in Kuilsrivier). Sien onder wie die direkteure is.
ook ’n verband tussen Capfin en Town Investments.
Op die vraag hoe dit gekom het dat hy ’n direkteur van Town Investments geword het, het hy geantwoord: “Ek is deur ’n aandeelhouer gevra.”
Wie is die aandeelhouers?
Hy wou nie kommentaar lewer oor wie die aandeelhouers van Town Investments is nie: “Dit is onbelangrik, want weens sy blootstelling aan Steinhoff, word Town Investments nog altyd in die Steinhoff-groep se state gekonsolideer.”
Dit is egter nie meer die geval in Steinhoff se jongste halfjaarresultate nie. In ’n voetnota word die siening gegee dat dit nie meer nodig is om Town Investments – wat as ’n spesialedoelvoertuig beskryf word – se syfers te konsolideer nie.
In die lig van die forensiese ondersoek na sy boeke, wou Steinhoff nie hieroor vrae beantwoord nie.
’n Geoktrooieerde rekenmeester het by navraag verduidelik dié voetnota impliseer “dit is onduidelik of Steinhoff wel vir Town Investments beheer en dus deel moet vorm van Steinhoff se tussentydse resultate”.
Tekkie Town se verkryging
Volgens die koopkontrak wat aan die hofstukke geheg is, het Town Investments Actis R1,5 miljard vir die Tekkie Town-aandele betaal.
Die koopkontrak tussen Steinhoff, Town Investments en die ander verkopers toon Steinhoff het in totaal R3,257 miljard vir die Tekkie Town-aandele betaal.
Steinhoff het 43 miljoen aandele hiervoor uitgereik, waarvan Town Investments 41,7% – dus 17,9 miljoen aandele – gekry het.
Volgens Steinhoff se aandeleregister hou Town Investments steeds hierdie aandele.
Steinhoff het verlede jaar in sy resultate vir die halfjaar tot einde Maart 2017 gesê hy het €230 miljoen vir Tekkie Town “in kontant en aandele” betaal, maar geen besonderhede daaroor gegee nie.
David Cooke, Actis se hoof van Suider-Afrika, het nie op navrae gereageer nie.
Dit laat vrae oor:
1. Wie is Town Investments se aandeelhouers?
2. Hoe is die kontantbetaling aan Actis gefinansier?
3. Watter bedrag het Actis in werklikheid gekry?
Oë rek oor prys vir Tekkie Town
Netwerk24 het voorheen berig die oë het gerek oor die prys wat Steinhoff vir Tekkie Town betaal het.
In 2014 is berig Actis het $65 miljoen (sowat R719 miljoen) vir 42% van Tekkie Town betaal, wat sy markwaarde destyds op bykans R1,7 miljard sou plaas.
Die R3,257 miljard wat Steinhoff minder as twee jaar later vir Tekkie Town betaal het, is 92% meer as waarteen die maatskappy in 2014 gewaardeer is. – Netwerk24
Kommentaar
Republikein
Geen kommentaar is op hierdie artikel gelaat nie