Steenkool buig die knie voor sonkrag

In sommige dele van die wêreld is sonkrag nou goedkoper as krag wat met steenkool opgewek word.Daar word voorspel dat sonkrag in die toekoms waarskynlik enige plek ter wêreld die goedkoopste manier sal wees om krag op te wek.Lande soos Chili en die Verenigde Arabiese Emirate het in 2016 rekords gebreek met ooreenkomste om sonkrag vir minder as $0,03 per kilowattuur op te wek. Dit is die helfte van die gemiddelde koste om krag uit steenkool op te wek.Saoedi-Arabië, Jordanië en Mexiko beplan vanjaar veilings en tenders met die doel om die pryse selfs laer te dwing.Die prys van sonkrag het sedert 2009 met 62% gedaal met elke deel van die voorsieningsketting wat kostes besnoei.Dit het gehelp om risikopremies op banklenings te verlaag en het vervaardigingskapasiteit tot rekordvlakke verhoog.Volgens Bloomberg New Energy Finance kan dit teen 2025 wêreldwyd goedkoper wees om sonkrag op te wek eerder as om steenkool te gebruik.“Hierdie syfers kan die spel heeltemal verander en dit word in meer en meer markte as die normaal beskou,” sê Adnan Amin, direkteur-generaal van die Internasionale Hernubare Energieagentskap (IHEA) in Abu Dhabi.“Jy verlaag die prys met 20% elke keer wanneer jy kapasiteit verdubbel.”Beter tegnologie was die sleutel tot die sukses om die sektor te steun en sluit die gebruik van diamantdraadsae in wat skyfies vir sonkragselle baie beter kan sny. Dié skyfies verskaf baie meer krag vir dieselfde hoeveelheid krag.Dit is ook aangedryf deur skaalvoordele en produksie-ervaring sedert die sonkragoplewing meer as ’n dekade gelede begin het en die sektor ’n toenemend mededingende voordeel bo fossielbrandstowwe gee.Die gemiddelde eenmegawatt-plus-sonkragstelsel wat op die grond gemonteer is, sal teen 2025 $0,73 per watt kos teenoor die $1,14 wat dit tans kos, sê Jenny Chase, hoof van sonkrag by New Energy Finance. Dit stem ooreen met ander ramings.ToekomsIn sommige dele in die suidweste van Amerika gaan sonkrag binnekort $1 per watt bereik en mag teen 2021 tot $0,75 daal, sê JM Shiao, ’n ontleder by GTM Research.Die IHEA verwag teen 2025 ’n daling van tussen 43% en 65% in sonkragkoste. Dit sal ’n totale daling van tot 84% sedert 2009 meebring.Sami Khoreibi, stigter en uitvoerende hoof van Enviromena Power Systems in Abu Dhabi, sê die verskaffing van sonkrag ervaar ’n “Wal-Mart-effek” van hoër volumes en laer marges.Die pas waarteen die koste van sonkrag gaan daal tot onder dié van krag wat uit steenkool opgewek word, verskil van land tot land.Lande wat steenkool invoer of koolstofbelasting hef soos Europa en Brasilië, sal dié oorskakeling in die 2020’s – indien nie vroeër nie – ondervind. Dit sal langer vat in lande soos Indië en China, waar groot plaaslike steenkoolreserwes is.China, die grootste mark vir sonkrag, sal teen 2030 die prys vir sonkrag tot onder dié van steenkool sien daal, voorspel New Energy Finance.Dié land het Duitsland verbygesteek as die nasie met die grootste geïnstalleerde kapasiteit. Die regering wil uitstootgasse verlaag en moedig huishoudings aan om skoon energie te gebruik. Netwerk24/Bloomberg

Steenkool buig die knie voor sonkrag

Kommentaar

Republikein 2026-02-04

Meld asseblief aan om kommentaar te lewer

Steenkool buig die knie voor sonkrag

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.