Stedelike verbouing kan voedselsekuriteit verbeter

Dr. Kobus Laubscher - Op 20 Oktober het die burgemeesters van die wêreld se 150 grootste stede in Valencia, Spanje, besin oor die rol van stede en die omtrek ten opsigte van voedselsekuriteit.Dit is 'n FAO-inisiatief (Voedsel- en Landbouorganisasie) en die derde byeenkoms van sy soort. Die eerste konferensie was in 2015 en die sogenaamde Milaan Stedelike Voedselbeleid-pakt was die gevolg.Hierdie inisiatief moet verder gesien word teen die agtergrond van bewese toenames in kritieke kwessies wat die FAO se verklaarde doelwitte ten opsigte van zero honger en voldoende voeding teen 2030 in gedrang gebring het. Daar is tans na raming meer kronies honger mense (The State of Food Security and Nutrition in the World 2017 Report).Meer besonders is die toename in afwykende gedrag onder verbruikers waar geworstel word met ondervoeding enersyds en vetsugtigheid andersyds. Beide uiterstes op die kontinuum van voedselonsekerheid het betekenisvolle impak, soos groeigestremdheid by kinders onder vyf jaar, met die tragiese bewese newe-effekte van onder meer gevolglike gebrekkige ontwikkeling en vatbaarheid vir siektes. Amerikaanse navorsers het onlangs bewys hoe betrokkenheid van 'n versorgende moeder breinontwikkeling tot op twee jaar kan beïnvloed, maar met die slegte nuus dat onvoldoende betrokkenheid breinontwikkeling onomkeerbaar gestrem het.Daarteenoor gee vetsugtigheid onder volwassenes, maar veral onder kleiner kinders, aanleiding tot 'n toename van nie-aanmeldbare siektes, om nie eens te praat van die geweldige negatiewe impak as gevolg van byvoorbeeld diabetes nie.STEDELIKE GEBIEDEDie Milaan-inisiatief is daarop gemik om stedelike gebiede te omvorm om 'n meer daadwerklike rol te speel in terme van die vermindering van veral huishoudelike voedselonsekerheid. In hierdie verband is aspekte soos die vermindering van kosvermorsing belangrik en om deur middel van basiese dienste - soos skoon en gesonde water asook verbeterde sanitasie - 'n bydrae te maak. In Brasilië het die burgemeesters van twee groot stede leiding geneem en restaurante aangemoedig om spyskaarte so aan te pas dat disse meer bekostigbaar is, meer plaaslike inhoud het en minder vermors word. Meer mense kon dus makliker eet en plaaslike produksie is bevorder. 'n Geraamde 40 miljoen mense in daardie land se voedselsekerheid is sodoende getakel.Die belangrikheid van stedelike gebiede staan uit as in ag geneem word dat stede maar 3% van die globale grond beset, maar huisvesting gee aan 3,5 miljard mense. Daar is voldoende bewys dat beleid te dikwels die waarde oorsien van stedelike gebiede as die plek waar die mense woon, werk en eet, en vandaar die hernude fokus. Gemeet aan basiese standaarde is dit duidelik dat te veel stede en dorpe faal en as sodanig dalk maklik met die regte leiding 'n bydrae kan maak om verdere verval te keer. Ten einde uitvoering te gee aan so 'n opheffingstrategie, is riglyne vir 'n Stedelike Streekvoedselstelsel (CRFS) bekend gestel. Dit bestaan uit 'n sewepuntplan waarvolgens die probleem en moontlike oplossings betreklik maklik, maar formeel getakel kan word. Die stappe sluit in 'n behoorlike bepaling van die potensiaal, institusionele raamwerk en beleide met as verwagte uitkoms die identifisering van belanghebbendes en verwagtinge. Hierdeur sal die beste begrip van die stad/dorp se besondere voedselvoorsiening en prestasie ontwikkel kan word. Die gevolglike versterking van kapasiteit van saakmakende deelnemers binne 'n plaaslike voedselstelsel, die versterking van landelike en stedelike koppeling om veral kleiner produsente toegang te gee tot stedelike markte, maar met die doel om veelpartydialoog en samewerking te bevorder, kan 'n basis vorm vir behoorlike opgradering.Die betreklike eenvoud van die CRFS-inisiatief laat mens wonder hoekom beleid hoef te faal. Die feit is dat die jammerlike toestand van meentgronde om dorpe en die onvermoë om enigsins by te dra tot verligting van voedselonsekerheid, gerus kan kers opsteek by die vordering wat reeds behaal is. Sien gerus food-for-cities@fao.org.

Stedelike verbouing kan voedselsekuriteit verbeter

Kommentaar

Republikein 2025-10-16

Meld asseblief aan om kommentaar te lewer

Stedelike verbouing kan voedselsekuriteit verbeter

Kommentaar

Republikein 2025-10-16

Meld asseblief aan om kommentaar te lewer

MELD AAN

Advertensie