Statistiek wys Vermeulen en Davies was ‘mees progressiewe’ afrigters
Wie haal die rekordspan as Namibië se oudste toetsspelers in elke posisie? Of die rekordspan as die jongstes? Hier is die antwoord.
Andrew Poolman – Solank jy goed genoeg is, is jy oud genoeg ... of jonk genoeg.
Hierdie riglyn word tradisioneel deur rugby-afrigters opgehaal wanneer besondere jong (of besonder deurwinterde) spelers se insluiting in hul spanne geregverdig moet word – óf wanneer kritici hul verskillende sienswyse oor spankeuses motiveer.
Rugby is by uitstek ’n sportkode waarin die fisieke eise ’n beperking op die leeftyd van ’n speler se aktiewe loopbaan plaas. Elke individu se talent en kurwe van ontwikkeling is ook uniek.
Dit is gewis nie elkeen wat in staat is om reeds as ’n tienerjarige aan toetsrugby blootgestel te word, of aan te hou om op die topvlak te speel totdat jou veertigs byna in sig is nie.
Net so kry elke afrigter ook nie noodwendig ’n onbeperkte mandaat om oor jare sy droomkombinasie te kweek nie, met “swak oesjare” van ontluikende talent, inmenging van rugbypolitiek of spelers se professionele klubverpligtinge maar net drie van die eksterne faktore.
Met die rekordlyste van die onafhanklike Namibië se geskiedenis van toetsrugby (1990 tot 2019) as maatstaf, sou die oudste en die jongste moontlike wedstrydgroepe soos hiernaas daar uitgesien het.
Met die rou syfers as grondslag, kan die siening gemotiveer word dat Phil Davies (2015 tot 2019) en Danie Vermeulen (in twee termyne, naamlik die 2004-seisoen asook 2012–2015) die twee mees progressiewe afrigters met ’n toekomsvisie vir die nasionale span was. In die wedstrydgroep van “Jongstes” is sewe spelers elk vir wie Davies en Vermeulen vir hul toetsdebuut gekies het.
In Vermeulen se geval was sy geloof in jeugdige energie waarskynlik op sy eie ondervinding gegrond, deurdat hyself nog nie eens 20 jaar oud was nie toe hy as die jongste Namibiese toetsstut gekies was.
Davies was natuurlik ook ’n veteraan van 46 toetse vir Wallis (insluitend die Wêreldbekers van 1987 en 1991) wat gedurende sy termyn aan die stuur van Namibië mildelike gebruik gemaak het van die stroom talent wat jaarliks deur die o.20-struktuur hul gereedheid vir groter rugby laat blyk het.
Aan die ander kant van die spektrum het elke ambisieuse afrigter ook ’n sterk kern van ervare spelers nodig om ’n deurlopend suksesvolle nasionale span te bou.
Statisties gesproke was wyle oom Henning Snyman – met ses lede van die land se “Oudste” rekordspan – die een wat ondanks moontlike kritiek die meeste staatmakers behou het totdat hulle self besluit het om uit te tree.
Gegewe die suksesvolle era waarvan dié spelers tevore onder Snyman deel was en hul verrysing as ’n kombinasie sedert die 1980’s, was dit meestal geen verrassing nie.
Die vaskopstut wyle Manie Grobler (38 jaar 187 dae) is die enigste Namibiër op die toptien-wêreldrekordlys van oudste of jongste spelers wat ’n toets in enige spesifieke posisie gespeel het. Grobler is sewende op die lys van oudste stutte in die geskiedenis van toetsrugby.
• Vir die samestelling van hierdie twee “spanne” is ’n geringe mate van vryheid geneem deur groter voorkeur aan die ouderdom te gee, as aan die onderskeid of die speler op daardie spesifieke dag in die beginspan of op die reserwebank was.
’n Geringe mate van vryheid is ook met sommige veelsydige spelers se posisies geneem.
Sedert onafhanklikwording in 1990 tot met sy laaste verskyning by die 2019 Wêreldbeker in Japan het Namibië in 156 toetse gespeel en 322 spelers gebruik.
Stuart Farmer van scrum.com (nou ESPN) het grootliks tot die byhou van hierdie statistiek bygedra.
FOTO’s
Skaars drie maande ná hierdie Momentum o.19-skolefinaal van 2012 is die 18-jarige Chris Arries vir ’n klompie minute as losskakel teen Kenia opgestuur – die jongste toetsspeler in Namibiese geskiedenis. Foto Andrew Poolman
Danie Vermeulen, ná die padongeluk wat sy loopbaan as speler beëindig het, was 28 jaar oud toe hy in Februarie 2004 aan die stuur van sy eerste toets as afrigter van Namibië was. Foto Andrew Poolman
Die stut Manie Grobler was die oudste speler wat Namibië in ’n rugbytoets verteenwoordig het. Foto argief
Die deurwinterde PJ van Lill, met drie Wêreldbekers agter die blad, is as 37-jarige die oudste lid van die Namibiese toerspan wat vandeesweek in Ivoorkus gaan speel. Foto Getty Images
Hierdie riglyn word tradisioneel deur rugby-afrigters opgehaal wanneer besondere jong (of besonder deurwinterde) spelers se insluiting in hul spanne geregverdig moet word – óf wanneer kritici hul verskillende sienswyse oor spankeuses motiveer.
Rugby is by uitstek ’n sportkode waarin die fisieke eise ’n beperking op die leeftyd van ’n speler se aktiewe loopbaan plaas. Elke individu se talent en kurwe van ontwikkeling is ook uniek.
Dit is gewis nie elkeen wat in staat is om reeds as ’n tienerjarige aan toetsrugby blootgestel te word, of aan te hou om op die topvlak te speel totdat jou veertigs byna in sig is nie.
Net so kry elke afrigter ook nie noodwendig ’n onbeperkte mandaat om oor jare sy droomkombinasie te kweek nie, met “swak oesjare” van ontluikende talent, inmenging van rugbypolitiek of spelers se professionele klubverpligtinge maar net drie van die eksterne faktore.
Met die rekordlyste van die onafhanklike Namibië se geskiedenis van toetsrugby (1990 tot 2019) as maatstaf, sou die oudste en die jongste moontlike wedstrydgroepe soos hiernaas daar uitgesien het.
Met die rou syfers as grondslag, kan die siening gemotiveer word dat Phil Davies (2015 tot 2019) en Danie Vermeulen (in twee termyne, naamlik die 2004-seisoen asook 2012–2015) die twee mees progressiewe afrigters met ’n toekomsvisie vir die nasionale span was. In die wedstrydgroep van “Jongstes” is sewe spelers elk vir wie Davies en Vermeulen vir hul toetsdebuut gekies het.
In Vermeulen se geval was sy geloof in jeugdige energie waarskynlik op sy eie ondervinding gegrond, deurdat hyself nog nie eens 20 jaar oud was nie toe hy as die jongste Namibiese toetsstut gekies was.
Davies was natuurlik ook ’n veteraan van 46 toetse vir Wallis (insluitend die Wêreldbekers van 1987 en 1991) wat gedurende sy termyn aan die stuur van Namibië mildelike gebruik gemaak het van die stroom talent wat jaarliks deur die o.20-struktuur hul gereedheid vir groter rugby laat blyk het.
Aan die ander kant van die spektrum het elke ambisieuse afrigter ook ’n sterk kern van ervare spelers nodig om ’n deurlopend suksesvolle nasionale span te bou.
Statisties gesproke was wyle oom Henning Snyman – met ses lede van die land se “Oudste” rekordspan – die een wat ondanks moontlike kritiek die meeste staatmakers behou het totdat hulle self besluit het om uit te tree.
Gegewe die suksesvolle era waarvan dié spelers tevore onder Snyman deel was en hul verrysing as ’n kombinasie sedert die 1980’s, was dit meestal geen verrassing nie.
Die vaskopstut wyle Manie Grobler (38 jaar 187 dae) is die enigste Namibiër op die toptien-wêreldrekordlys van oudste of jongste spelers wat ’n toets in enige spesifieke posisie gespeel het. Grobler is sewende op die lys van oudste stutte in die geskiedenis van toetsrugby.
• Vir die samestelling van hierdie twee “spanne” is ’n geringe mate van vryheid geneem deur groter voorkeur aan die ouderdom te gee, as aan die onderskeid of die speler op daardie spesifieke dag in die beginspan of op die reserwebank was.
’n Geringe mate van vryheid is ook met sommige veelsydige spelers se posisies geneem.
Sedert onafhanklikwording in 1990 tot met sy laaste verskyning by die 2019 Wêreldbeker in Japan het Namibië in 156 toetse gespeel en 322 spelers gebruik.
Stuart Farmer van scrum.com (nou ESPN) het grootliks tot die byhou van hierdie statistiek bygedra.
FOTO’s
Skaars drie maande ná hierdie Momentum o.19-skolefinaal van 2012 is die 18-jarige Chris Arries vir ’n klompie minute as losskakel teen Kenia opgestuur – die jongste toetsspeler in Namibiese geskiedenis. Foto Andrew Poolman
Danie Vermeulen, ná die padongeluk wat sy loopbaan as speler beëindig het, was 28 jaar oud toe hy in Februarie 2004 aan die stuur van sy eerste toets as afrigter van Namibië was. Foto Andrew Poolman
Die stut Manie Grobler was die oudste speler wat Namibië in ’n rugbytoets verteenwoordig het. Foto argief
Die deurwinterde PJ van Lill, met drie Wêreldbekers agter die blad, is as 37-jarige die oudste lid van die Namibiese toerspan wat vandeesweek in Ivoorkus gaan speel. Foto Getty Images
Kommentaar
Republikein
Geen kommentaar is op hierdie artikel gelaat nie