Statige Hohenzollernhaus vir Swakop behoue
Erwin Leuschner - Danksy die vinnige optrede van die brandweer op Swakopmund is die brand in die dak van die geskiedkundige Hohenzollernhaus op die hoek van Tobias Hainyeko- en Libertina Amathilastraat Woensdagaand in ’n japtrap geblus.
Geringe skade is aangerig.
Volgens die brandweerhoof, mnr. Adri Goosen, is die brandweer omstreeks 18:45 van die brand in kennis gestel. “Ons is dankbaar vir inwoners wat ons baie vinnig laat weet het. Die brandweer was omtrent ’n kwartier later op die toneel en het die vlamme binne vier minute geblus.”
Hy kon gister nie besonderhede verskaf oor die oorsaak van die brand nie, aangesien dit nog ondersoek word.
’n Elektriese fout of probleem met die opknapwerk aan die dak word vermoed.
“Gelukkig was die skade aan die kamer direk onder dié deel van die dak wat gebrand het, gering,” sê Goosen.
Die ikoniese Hohenzollernhaus, met ’n beeld van Atlas op die dak, is in 1904 ontwerp en gebou en in 1972 as ’n nasionale gedenkwaardigheid verklaar.
Geringe skade is aangerig.
Volgens die brandweerhoof, mnr. Adri Goosen, is die brandweer omstreeks 18:45 van die brand in kennis gestel. “Ons is dankbaar vir inwoners wat ons baie vinnig laat weet het. Die brandweer was omtrent ’n kwartier later op die toneel en het die vlamme binne vier minute geblus.”
Hy kon gister nie besonderhede verskaf oor die oorsaak van die brand nie, aangesien dit nog ondersoek word.
’n Elektriese fout of probleem met die opknapwerk aan die dak word vermoed.
“Gelukkig was die skade aan die kamer direk onder dié deel van die dak wat gebrand het, gering,” sê Goosen.
Die ikoniese Hohenzollernhaus, met ’n beeld van Atlas op die dak, is in 1904 ontwerp en gebou en in 1972 as ’n nasionale gedenkwaardigheid verklaar.
Kommentaar
Republikein
Geen kommentaar is op hierdie artikel gelaat nie