Starbucks 'vinnigste internet nóg'

Jy kan deesdae gratis Wi-Fi by die meeste restaurante kry, maar dalk nie teen die spoed wat jy graag wil hê nie.Die koffiehuis Starbucks het pas bekend gemaak hy gaan blitsvinnige optieseveselinternet – tot 1 gigagreep per sekonde (Gpbs) – by sy Suid-Afrikaanse koffiehuise in werking stel danksy 'n ooreenkoms met BitCo Telecoms.Met die opening van sy winkel in Sandton City in Julie is berig Starbucks het nou die “vinnigste internet” van enige kleinhandelaar, maar dié spoed was “net” 100 megagrepe per sekonde.Die nuwe spoed van 1 Gbps is volgens Clive Liversage, besturende direkteur van Starbucks Suid-Afrika, die vinnigste internet by enige Starbucks wêreldwyd.Die vinnige internet kan reeds by die nuwe Starbucks-takke in Melrose Arch en The Marc (voorheen bekend as Village Walk) ervaar word. Dit word oor die volgende paar maande uitgebrei na al 12 bestaande Starbucks-takke.Starbucks het sy beeld daarop gebou dat hy meer is as 'n plek waar mense kom koffie koop en weer waai. Dis 'n vergader-, werk- en kuierplek – dis die sogenaamde “derde” bestemming ná die huis en werk waarheen mense die meeste gaan.“Deel daarvan om aan ons kliënte 'n onvergeetlike derdeplek-ervaring te gee, is om hulle met alles toe te rus wat hulle vir 'n moeitevrye besoek nodig het,” sê Liversage.Starbucks wil oor die volgende paar jaar meer as 50 takke in Suid-Afrika hê.Die restaurantgroep Taste Holdings het die meesterlisensie om Starbucks in Suid-Afrika te bedryf. – Netwerk24

Starbucks 'vinnigste internet nóg'

Kommentaar

Republikein 2025-07-04

Meld asseblief aan om kommentaar te lewer

Starbucks 'vinnigste internet nóg'

Kommentaar

Republikein 2025-07-04

Meld asseblief aan om kommentaar te lewer

MELD AAN

Advertensie