Staking rol voort by uitsaaier

Hoop dat die staking by die Namibiese Uitsaaikorporasie (NBC) bygelê sou word voor die internasionale viering môre van Wêreldpersvryheidsdag in Windhoek het volgens alle indrukke beskaam.Stakers moes Vrydag hul protes by NBC-televisie se hoofkantore in Windhoek tydelik opskort weens die sterfte van ’n sekuriteitswag wat na bewering aan Covid-19 gekoppel word.Volgens werkers is die bestuur ook tot Dinsdag die perseel belet. Stakers sal Woensdag weer hul betoging hier hervat.Die werknemers sê hulle word bemoedig deur die Namibiese Staatsdienswerkersunie (Napwu) se aankondiging dat die geen-werk-geen-betaling-reël glo verslap sal word. Napwu se hoofsekretaris, mnr. Peter Nevonga, het nie reageer op vrae in die verband nie en stakers sê besonderhede oor die verwikkeling is nie met hulle gedeel nie.Direksievoorsitter Lazarus Jacobs het Saterdag laat weet hy kan nog geen goeie nuus deel nie. Hy het Saterdagoggend weer met die vakbond vergader ná hy tot na middernag die Vrydagaand met die minister in gesprek was, het Jacobs gesê.Die minister van inligting en kommunikasietegnologie, dr. Peya Mushelenga, het Donderdag gesê die regering probeer om die geskil te beredder deur ‘n oplossing te vind wat vir beide partye aanvaarbaar is.

Staking rol voort by uitsaaier

Kommentaar

Republikein 2026-05-15

Meld asseblief aan om kommentaar te lewer

Staking rol voort by uitsaaier

Kommentaar

Republikein 2026-05-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.