Stakers skend glo landswyd ooreenkoms
Nafau het glo versuim om die Shoprite-stakers se gedrag te reguleer.
Kristien Kruger
Shoprite het Maandag in ’n brief aan die Namibiese Unie vir Voedsel- en Verwante Werkers (Nafau) ’n beroep op die vakbond gedoen word om seker te maak dat stakers by die staakooreenkomste hou.
Die Shoprite-groep se regsverteenwoordiger het gister gesê Nafau het nie op die brief gereageer nie en hulle sal daarom die saak na die arbeidshof neem.
Stakende Shoprite-werknemers, unieverteenwoordigers en simpatiseerders het glo tydens die staking wat op 23 Desember begin het, verskeie oortredings in terme van die stakingsooreenkoms begaan.
Volgens die brief in Republikein se besit het Shoprite ’n tyd gelede reeds vir Nafau van die oortredings in kennis gestel.
“Hoewel julle genoeg tyd en geleentheid gehad het, het julle geweier of nie daarin geslaag om die oortredings reg te stel nie,” lui die brief.
Die koerant het vyf briewe ontvang wat aan Nafau se hoofsekretaris, mnr. Jacob Penda, gerig is wat gevalle van ontwrigting, intimidasie, aanvalle en ondermyning van die ooreenkoms bevat. Die eerste brief is op 23 Desember gestuur en die laaste op 5 Januarie.
“(Hierdie dokumente) bewys dat Nafau al geruime tyd van die oortredings bewus is,” het die bron gesê.
Shoprite het Nafau tot gister omstreeks 10:00 tyd gegee om skriftelik terugvoer te gee dat hulle ’n beroep op stakers gedoen het om by die reëls van die staking te hou.
In die brief waarsku Shoprite dat indien Nafau hierin versuim, hulle die saak na die arbeidshof sal neem vir ’n interdik en kostebevel teen Nafau en die stakende werknemers. Hulle sal ook die unie en werknemers vir skadevergoeding aanspreeklik hou.
OORTREDINGS
In die brief word die beweerde oortredings deur stakendes oor die land heen uitgestip.
Shoprite Okahandja is op 11 Januarie toegemaak omdat stakendes bedrywighede ontwrig het en die niestakende werknemers geïntimideer het.
“Die sleutels van ons kliënt se vurkhyser is geneem en die takbestuurder is deur ’n unieverteenwoordiger aangeval,” lui die brief.
By Shoprite se winkels op Keetmanshoop, Rehoboth en in Windhoek se hoofstraat het stakende werknemers na bewering bedrywighede ontwrig en daarop aangedring dat niestakende werknemers die winkel moet verlaat.
By USave op Tsandi het stakende werknemers glo by die grootmaatwinkel ingegaan en geweier om te loop.
“Hulle het bedrywighede ontwrig en daarop aangedring dat die winkel moet toemaak,” lui die brief.
In Checkers op Swakopmund (Waterfront) het stakendes mense verhoed om die winkel binne te gaan en in dieselfde kusdorp se Shoprite is ’n kliënt volgens die brief op 11 Januarie aangeval. Die stakendes het glo ook die aflaaiwerk van afleweringsvoertuie verhoed.
Volgens die brief het stakendes ook die hoofingang en personeel se ingang van Rundu se Shoprite beset. Hiertydens het ’n Nafau-verteenwoordiger glo opdrag gegee om niestakende werkers en bestuurders aan te val.
In die geval van Shoprite Walvisbaai het stakendes glo aan kliënte gesê om nie by Shoprite te koop nie en het hulle, volgens die brief soos aangedui in die ooreenkoms, nie by ’n vergaderpunt bymekaar gekom en gebly nie, maar wou die winkel met geweld betree.
STAKINGSOOREENKOMS
Shoprite en Nafau het op 7 Desember ’n ooreenkoms onderteken rakende die maatreëls en terme van die staking om seker te maak dit word gereguleer.
Volgens die brief is sekere punte van die ooreenkoms nie nagekom nie.
Die ooreenkoms stel dat geen in- of uitgang deur stakers geblokkeer mag word nie. Die vloei van personeel, kliënte en verskaffers mag ook nie versteur, geteister of op enige manier beperk word nie.
Verder mag geen deelnemer aan die staking ’n niestakende werknemer teister, intimideer of enigiets onwettig teenoor hulle doen nie. Volgens die ooreenkoms is dit elkeen se reg om aan te hou werk vir die betrokke werkgewer.
Stakendes moet volgens die ooreenkoms op ’n vergaderpunt besluit wat nie binne 50 meter van enige toegangspunt van die maatskappy nie.
Die vakbond moes ook verseker dat geen optrede van geweld, ontwrigting of beskadiging direk of indirek by of teenoor die maatskappy, verskaffers of personeel geskied nie. Dit sluit in, maar is nie beperk nie, tot geboue, voertuie en toerusting.
– [email protected]
Shoprite het Maandag in ’n brief aan die Namibiese Unie vir Voedsel- en Verwante Werkers (Nafau) ’n beroep op die vakbond gedoen word om seker te maak dat stakers by die staakooreenkomste hou.
Die Shoprite-groep se regsverteenwoordiger het gister gesê Nafau het nie op die brief gereageer nie en hulle sal daarom die saak na die arbeidshof neem.
Stakende Shoprite-werknemers, unieverteenwoordigers en simpatiseerders het glo tydens die staking wat op 23 Desember begin het, verskeie oortredings in terme van die stakingsooreenkoms begaan.
Volgens die brief in Republikein se besit het Shoprite ’n tyd gelede reeds vir Nafau van die oortredings in kennis gestel.
“Hoewel julle genoeg tyd en geleentheid gehad het, het julle geweier of nie daarin geslaag om die oortredings reg te stel nie,” lui die brief.
Die koerant het vyf briewe ontvang wat aan Nafau se hoofsekretaris, mnr. Jacob Penda, gerig is wat gevalle van ontwrigting, intimidasie, aanvalle en ondermyning van die ooreenkoms bevat. Die eerste brief is op 23 Desember gestuur en die laaste op 5 Januarie.
“(Hierdie dokumente) bewys dat Nafau al geruime tyd van die oortredings bewus is,” het die bron gesê.
Shoprite het Nafau tot gister omstreeks 10:00 tyd gegee om skriftelik terugvoer te gee dat hulle ’n beroep op stakers gedoen het om by die reëls van die staking te hou.
In die brief waarsku Shoprite dat indien Nafau hierin versuim, hulle die saak na die arbeidshof sal neem vir ’n interdik en kostebevel teen Nafau en die stakende werknemers. Hulle sal ook die unie en werknemers vir skadevergoeding aanspreeklik hou.
OORTREDINGS
In die brief word die beweerde oortredings deur stakendes oor die land heen uitgestip.
Shoprite Okahandja is op 11 Januarie toegemaak omdat stakendes bedrywighede ontwrig het en die niestakende werknemers geïntimideer het.
“Die sleutels van ons kliënt se vurkhyser is geneem en die takbestuurder is deur ’n unieverteenwoordiger aangeval,” lui die brief.
By Shoprite se winkels op Keetmanshoop, Rehoboth en in Windhoek se hoofstraat het stakende werknemers na bewering bedrywighede ontwrig en daarop aangedring dat niestakende werknemers die winkel moet verlaat.
By USave op Tsandi het stakende werknemers glo by die grootmaatwinkel ingegaan en geweier om te loop.
“Hulle het bedrywighede ontwrig en daarop aangedring dat die winkel moet toemaak,” lui die brief.
In Checkers op Swakopmund (Waterfront) het stakendes mense verhoed om die winkel binne te gaan en in dieselfde kusdorp se Shoprite is ’n kliënt volgens die brief op 11 Januarie aangeval. Die stakendes het glo ook die aflaaiwerk van afleweringsvoertuie verhoed.
Volgens die brief het stakendes ook die hoofingang en personeel se ingang van Rundu se Shoprite beset. Hiertydens het ’n Nafau-verteenwoordiger glo opdrag gegee om niestakende werkers en bestuurders aan te val.
In die geval van Shoprite Walvisbaai het stakendes glo aan kliënte gesê om nie by Shoprite te koop nie en het hulle, volgens die brief soos aangedui in die ooreenkoms, nie by ’n vergaderpunt bymekaar gekom en gebly nie, maar wou die winkel met geweld betree.
STAKINGSOOREENKOMS
Shoprite en Nafau het op 7 Desember ’n ooreenkoms onderteken rakende die maatreëls en terme van die staking om seker te maak dit word gereguleer.
Volgens die brief is sekere punte van die ooreenkoms nie nagekom nie.
Die ooreenkoms stel dat geen in- of uitgang deur stakers geblokkeer mag word nie. Die vloei van personeel, kliënte en verskaffers mag ook nie versteur, geteister of op enige manier beperk word nie.
Verder mag geen deelnemer aan die staking ’n niestakende werknemer teister, intimideer of enigiets onwettig teenoor hulle doen nie. Volgens die ooreenkoms is dit elkeen se reg om aan te hou werk vir die betrokke werkgewer.
Stakendes moet volgens die ooreenkoms op ’n vergaderpunt besluit wat nie binne 50 meter van enige toegangspunt van die maatskappy nie.
Die vakbond moes ook verseker dat geen optrede van geweld, ontwrigting of beskadiging direk of indirek by of teenoor die maatskappy, verskaffers of personeel geskied nie. Dit sluit in, maar is nie beperk nie, tot geboue, voertuie en toerusting.
– [email protected]
Kommentaar
Republikein
Geen kommentaar is op hierdie artikel gelaat nie