Staatskaping: Thuli, Guptas reageer op verslag
Adv. Thuli Madonsela, voormalige openbare beskermer (OB), sê sy moes strenger teenoor pres. Jacob Zuma in haar verslag oor staatskaping gewees het.
Van die bevindings in die verslag “State of Capture” oor die verhouding tussen regeringsamptenare en die Gupta-familie sluit beweerde pogings van omkopery en gereelde kontak tussen die familie en regeringsamptenare in.
Die voormalige openbare beskermer (OB) in Suid-Afrika, adv. Thuli Madonsela, het pres. Jacob Zuma daarvan beskuldig dat hy nie haar vrae beantwoord het nie en nie vir vergaderings opgedaag het nie. Madonsela het gesê Zuma is wetlik verplig om by haar voorskrifte te hou.
“Ek is spyt ek het vir die prokureurs geluister wat die breër regsgemeenskap verteenwoordig wat gesê het ek moet versigtig wees om ''n suksesvolle hersiening van die verslag deur die hof te vermy.”
Madonsela het bevind ''n kommissie van ondersoek moet die beweerde staatskaping verder ondersoek omdat haar kantoor nie genoeg geld gehad het om die ondersoek deeglik af te handel nie. Die OB se kantoor het R1,5 miljoen vir die ondersoek ontvang.
Intussen het die Gupta-familie Woensdag gesê hulle neem kennis van die verslag, maar voel nie hulle word by enige misdrywe betrek nie.
Gert van der Merwe, die familie se regsverteenwoordiger, het gesê die verslag maak geen gevolgtrekkings nie en die kommissie van ondersoek sal die Gupta-familie die kans gun om sy onskuld te bewys.
Die rand het tot sy hoogste vlak in die afgelope 11 weke versterk nadat die Noord-Gautengse hooggeregshof Woensdag gelas het die OB se verslag oor staatskaping moet uitgereik word. Dit het met 2,2% gestyg en was teen 19:00 Woensdag R13,5103 teenoor die dollar.
“Die verslag bevestig die verskeidenheid van bewerings wat teen ons president in die laaste jaar of twee geopper is,” het Daniel Silke, politieke ontleder, gesê.
“Om hierdie verslag in wit en swart van ''n bron soos die OB te hê, is die laaste strooi in die inkorting van die Zuma-era voor sy termyn in 2019 eindig.”
Daar trek nog rook uit die loop van die geweer, maar waar is die skade? Dit was die vraag wat sekere ontleders Woensdag ná die bekendstelling van die openbare beskermer se staatskapingsverslag gevra het.
Dít terwyl ander dit bestempel het as “die begin van die einde” vir pres. Jacob Zuma en sy bondgenote.
Moeletsi Mbeki, politieke ontleder, was onder diegene wat die staatskapingsverslag bestempel het as “ ''n skoot wat afgevuur is, maar daar is nie klinkklare bewyse dat ''n misdaad gepleeg is nie”.
Ander ontleders soos Frans Cronjé, direkteur van die Instituut vir Rasseverhoudinge, het op sy beurt gemaan mense moenie vasval in die histerie van die oomblik nie.
“(Pres. Jacob) Zuma het nog talle politieke bates, soos die sogenaamde premierliga, die ANC-vroueliga, jeugliga en die MK-veterane, dus sy fut is nog lank nie uit nie.
“Hy is gewoond daaraan dat die wêreld vir hom warm word en het homself telkens al bewys as staande teen die ergste krisisse.
“Ons praat hier van ''n man wat ''n verkragtingsaak en Nkandla baie goed oorleef het.”
-Netwerk24
Die voormalige openbare beskermer (OB) in Suid-Afrika, adv. Thuli Madonsela, het pres. Jacob Zuma daarvan beskuldig dat hy nie haar vrae beantwoord het nie en nie vir vergaderings opgedaag het nie. Madonsela het gesê Zuma is wetlik verplig om by haar voorskrifte te hou.
“Ek is spyt ek het vir die prokureurs geluister wat die breër regsgemeenskap verteenwoordig wat gesê het ek moet versigtig wees om ''n suksesvolle hersiening van die verslag deur die hof te vermy.”
Madonsela het bevind ''n kommissie van ondersoek moet die beweerde staatskaping verder ondersoek omdat haar kantoor nie genoeg geld gehad het om die ondersoek deeglik af te handel nie. Die OB se kantoor het R1,5 miljoen vir die ondersoek ontvang.
Intussen het die Gupta-familie Woensdag gesê hulle neem kennis van die verslag, maar voel nie hulle word by enige misdrywe betrek nie.
Gert van der Merwe, die familie se regsverteenwoordiger, het gesê die verslag maak geen gevolgtrekkings nie en die kommissie van ondersoek sal die Gupta-familie die kans gun om sy onskuld te bewys.
Die rand het tot sy hoogste vlak in die afgelope 11 weke versterk nadat die Noord-Gautengse hooggeregshof Woensdag gelas het die OB se verslag oor staatskaping moet uitgereik word. Dit het met 2,2% gestyg en was teen 19:00 Woensdag R13,5103 teenoor die dollar.
“Die verslag bevestig die verskeidenheid van bewerings wat teen ons president in die laaste jaar of twee geopper is,” het Daniel Silke, politieke ontleder, gesê.
“Om hierdie verslag in wit en swart van ''n bron soos die OB te hê, is die laaste strooi in die inkorting van die Zuma-era voor sy termyn in 2019 eindig.”
Daar trek nog rook uit die loop van die geweer, maar waar is die skade? Dit was die vraag wat sekere ontleders Woensdag ná die bekendstelling van die openbare beskermer se staatskapingsverslag gevra het.
Dít terwyl ander dit bestempel het as “die begin van die einde” vir pres. Jacob Zuma en sy bondgenote.
Moeletsi Mbeki, politieke ontleder, was onder diegene wat die staatskapingsverslag bestempel het as “ ''n skoot wat afgevuur is, maar daar is nie klinkklare bewyse dat ''n misdaad gepleeg is nie”.
Ander ontleders soos Frans Cronjé, direkteur van die Instituut vir Rasseverhoudinge, het op sy beurt gemaan mense moenie vasval in die histerie van die oomblik nie.
“(Pres. Jacob) Zuma het nog talle politieke bates, soos die sogenaamde premierliga, die ANC-vroueliga, jeugliga en die MK-veterane, dus sy fut is nog lank nie uit nie.
“Hy is gewoond daaraan dat die wêreld vir hom warm word en het homself telkens al bewys as staande teen die ergste krisisse.
“Ons praat hier van ''n man wat ''n verkragtingsaak en Nkandla baie goed oorleef het.”
-Netwerk24
Kommentaar
Republikein
Geen kommentaar is op hierdie artikel gelaat nie