Staatshuis beskuldig kandidate van etniese sentimente
Staatshuis se mediasekretaris het op ‘n briefhoof van die presidensie ‘n verklaring namens Swapo uitgereik.
Estelle de Bruyn - Demokrasie is lewenskragtig in Swapo, sê mnr. Albertus Aochamub, Staatshuis se mediasekretaris in ‘n verklaring.
Dít is die geval ondanks verkiesingsveldtogte in Swapo-partygeledere en “benaderings deur sommige kandidate waar sentimente van stamgebonde en etniese uitings tot regsteekse aanvalle op die persoon van pres. (Hage) Geingob wissel”.
Dié verklaring van Aochamub is ‘n duidelike teken dat geen onderskeid meer tussen die staat, die regering en die regerende party gemaak word nie.
Hy sê die demokratiese ondervinding van Swapo bly prysenswaardig in die era ná die bevrydingstryd met die party wat fundamentele veranderinge moet ondergaan om te moderniseer en om die party van ‘n voormalige bevrydingsorganisasie te herdefinieer.
Aochamub sê: “Swapo is die bevryder van alle Namibiërs en die gewildste party in Namibië soos agtereenvolgende nasionale verkiesingseges bewys het.”
Hy kom tot die slotsom dat Swapo se party-aangeleenthede alle Namibiërs raak - of hulle lede van die party is al dan nie. Die nuwe partyleier sal volgens hom die party en die land op ‘n pad lei waarin vasgestelde tradisies en gebruike verskans sal wees.
Aochamub wys ook daarop dat geen dienende president van die land al ooit uitgedaag is om die party se presidentskandidaat te word nie.
“In die huidige fase van die ewolusie van die party het Swapo ‘n nuwe ervaring beleef. Toe pres. Hifikepunye Pohamba as partypresident bedank het, het die party se visepresident (Geingob) die leier van die party geword, wat gestrook het met sy amp en senioriteit in die partyhiërargie. Die ander nuwe ervaring wat die party beleef, is dat die Swapo-leierskap besluit het al vier topposisies sal by die party se kongres betwis word - in teenstelling met bestaande gebruike.
“In dié konteks is pres. Geingob wettiglik as kandidaat vir die party se presidentskap genomineer,” het Aochamub gesê.
Gevolglik sal Geingob voortgaan om sy pligte as staatshoof uit te voer, terwyl hy sy partypolitieke verkiesingsveldtog voer.
Hy het die versekering gegee dat Geingob, wanneer hy vir suiwer partypolitieke doeleindes reis en van staatsvervoer gebruik maak, daarop aandring om in sy persoonlike hoedanigheid ‘n bybetaling daarvoor te maak.
Die uitkoms van Swapo se leierskapstryd sal volgens Aochamub ‘n wesenlike impak op die toekomstige trajek van die party en ook die land hê.
"As genomineerde kandidaat vir die party se presidensie, wat die dienende staatshoof is, word hy gedwing om aan die stryd deel te neem. Om hierdie rede sal hy binne die volgende dae sy veldtogbeloftes aankondig."
Dít is die geval ondanks verkiesingsveldtogte in Swapo-partygeledere en “benaderings deur sommige kandidate waar sentimente van stamgebonde en etniese uitings tot regsteekse aanvalle op die persoon van pres. (Hage) Geingob wissel”.
Dié verklaring van Aochamub is ‘n duidelike teken dat geen onderskeid meer tussen die staat, die regering en die regerende party gemaak word nie.
Hy sê die demokratiese ondervinding van Swapo bly prysenswaardig in die era ná die bevrydingstryd met die party wat fundamentele veranderinge moet ondergaan om te moderniseer en om die party van ‘n voormalige bevrydingsorganisasie te herdefinieer.
Aochamub sê: “Swapo is die bevryder van alle Namibiërs en die gewildste party in Namibië soos agtereenvolgende nasionale verkiesingseges bewys het.”
Hy kom tot die slotsom dat Swapo se party-aangeleenthede alle Namibiërs raak - of hulle lede van die party is al dan nie. Die nuwe partyleier sal volgens hom die party en die land op ‘n pad lei waarin vasgestelde tradisies en gebruike verskans sal wees.
Aochamub wys ook daarop dat geen dienende president van die land al ooit uitgedaag is om die party se presidentskandidaat te word nie.
“In die huidige fase van die ewolusie van die party het Swapo ‘n nuwe ervaring beleef. Toe pres. Hifikepunye Pohamba as partypresident bedank het, het die party se visepresident (Geingob) die leier van die party geword, wat gestrook het met sy amp en senioriteit in die partyhiërargie. Die ander nuwe ervaring wat die party beleef, is dat die Swapo-leierskap besluit het al vier topposisies sal by die party se kongres betwis word - in teenstelling met bestaande gebruike.
“In dié konteks is pres. Geingob wettiglik as kandidaat vir die party se presidentskap genomineer,” het Aochamub gesê.
Gevolglik sal Geingob voortgaan om sy pligte as staatshoof uit te voer, terwyl hy sy partypolitieke verkiesingsveldtog voer.
Hy het die versekering gegee dat Geingob, wanneer hy vir suiwer partypolitieke doeleindes reis en van staatsvervoer gebruik maak, daarop aandring om in sy persoonlike hoedanigheid ‘n bybetaling daarvoor te maak.
Die uitkoms van Swapo se leierskapstryd sal volgens Aochamub ‘n wesenlike impak op die toekomstige trajek van die party en ook die land hê.
"As genomineerde kandidaat vir die party se presidensie, wat die dienende staatshoof is, word hy gedwing om aan die stryd deel te neem. Om hierdie rede sal hy binne die volgende dae sy veldtogbeloftes aankondig."
Kommentaar
Republikein
Geen kommentaar is op hierdie artikel gelaat nie