Staatshoofde wens Namibië geluk
Die president van Amerika, Donald Trump, en ander staatshoofde het Namibië met sy 27ste Onafhanklikheidsdag geluk gewens.
"Amerika wil graag saam met die Namibiese regering en sy mense werk om vrede te bevorder en die lewens van Namibiërs en Amerikaners te verbeter," het Trump in sy boodskap gesê wat tydens die vieringe op Rundu gelees is.
"Amerika ondersteun Namibië se aanhoudende groei en belowende toekoms," het hy gesê.
Die Russiese president, Vladimir Putin, het gesê betrekkinge tussen Rusland en Namibië is vriendelik en konstruktief. Putin het sy vertroue in die voortdurende ontwikkeling van wedersydse samewerking op politieke, handels- en humanitêre gebied in die belang van Rusland én Namibië uitgespreek.
President Laurent Kabila het sy beskikbaarheid vir ontwikkeling en die versterking van vriendelike betrekkinge tussen Namibië en die Demokratiese Republikiek van Kongo bevestig.
Zimbabwe se president, Robert Mugabe, het die langdurige betrekkinge en samewerking tussen Namibië en Zimbabwe, wat strek van voor die vryheidstryd af, geprys.
“Dit is my wens dat ons voortgaan om alle aspekte van ons samewerking tot voordeel van ons mense te koester en uit te brei,” het Mugabe gesê.
Die Verenigde Nasies (VN) en Swede het Namibië ook geluk gewens.
Die erekonsul van Namibië in Serwië, prof. Vasilije Boskovic, het 'n spesiale boodskap van die Serwiese kroonprins, Aleksandar Karadordevic, uit Belgrado gestuur: "My innige gelukwensinge aan Namibië. Ek wens die land voorspoed en sukses vir die jare vorentoe toe en hoop die vriendelike betrekkinge tussen Namibië en Serwië verdiep elke dag tot voordeel van ons nasies." - Nampa en eie berig
"Amerika wil graag saam met die Namibiese regering en sy mense werk om vrede te bevorder en die lewens van Namibiërs en Amerikaners te verbeter," het Trump in sy boodskap gesê wat tydens die vieringe op Rundu gelees is.
"Amerika ondersteun Namibië se aanhoudende groei en belowende toekoms," het hy gesê.
Die Russiese president, Vladimir Putin, het gesê betrekkinge tussen Rusland en Namibië is vriendelik en konstruktief. Putin het sy vertroue in die voortdurende ontwikkeling van wedersydse samewerking op politieke, handels- en humanitêre gebied in die belang van Rusland én Namibië uitgespreek.
President Laurent Kabila het sy beskikbaarheid vir ontwikkeling en die versterking van vriendelike betrekkinge tussen Namibië en die Demokratiese Republikiek van Kongo bevestig.
Zimbabwe se president, Robert Mugabe, het die langdurige betrekkinge en samewerking tussen Namibië en Zimbabwe, wat strek van voor die vryheidstryd af, geprys.
“Dit is my wens dat ons voortgaan om alle aspekte van ons samewerking tot voordeel van ons mense te koester en uit te brei,” het Mugabe gesê.
Die Verenigde Nasies (VN) en Swede het Namibië ook geluk gewens.
Die erekonsul van Namibië in Serwië, prof. Vasilije Boskovic, het 'n spesiale boodskap van die Serwiese kroonprins, Aleksandar Karadordevic, uit Belgrado gestuur: "My innige gelukwensinge aan Namibië. Ek wens die land voorspoed en sukses vir die jare vorentoe toe en hoop die vriendelike betrekkinge tussen Namibië en Serwië verdiep elke dag tot voordeel van ons nasies." - Nampa en eie berig
Kommentaar
Republikein
Geen kommentaar is op hierdie artikel gelaat nie