Staat gooi wal teen gay regte

Jana-Mari SmithDie ministerie van binnelandse sake, immigrasie, veiligheid en sekuriteit het erken hul benadering tot 'n tweejarige seun se aansoek om Namibiese burgerskap is beïnvloed deur die feit dat sy ouers 'n gay egpaar is.“In hul benadering tot die aansoek het die ministerie die egpaar anders as heteroseksuele mense behandel, en het die minister uitdrukking gegee aan die nie-erkenning van gay standpunt in Namibië (sic),” luidens 'n kennisgewing van appèl deur die ministerie aan die hooggeregshof.Die ministerie het Vrydag bekend gemaak hulle gaan teen die hoërhof se uitspraak appelleer wat op 13 Oktober deur regter Thomas Masuku gelewer is. Die uitspraak het burgerskap op grond van herkoms aan hul tweejarige seun, Yona, toegeken.Die ministerie se appèl voer aan dit het nie die gesin se reg op niediskriminasie geskend nie, want in Namibië se Grondwet “is seksuele oriëntasie nie een van die gelyste gronde van diskriminasie nie.”SURROGAATSKAPYona is in Maart 2019 deur surrogaatskap gebore en een van sy ouers, mnr. Phillip Lühl, is 'n Namibiese burger, die ander 'n Meksikaan, mnr. Guillermo Delgado.Die Suid-Afrikaanse howe het die surrogaatskap goedgekeur en Yona het 'n Suid-Afrikaanse geboortesertifikaat ontvang waarop Lühl en Delgado as sy ouers aangedui word.Die appèl voer verder aan terwyl Suid-Afrika “ouers in gay verhoudings erken, die Namibiese konstitusionalisme verskil. Dit gee nie erkenning aan homoseksuele of gay verhoudings nie.”Die ministerie se appèl verwerp Masuku se argument dat 'n DNS-toets nie in die beste belang van die kind sal wees nie.“Inteendeel, die ministerie se standpunt is om hul samebinding op dié grondslag vas te stel – deur 'n genetiese skakel.”Boonop sê die appèl die Namibiese Grondwet is geslagspesifiek en verwys na “vaders en moeders”, nie slegs ouer, soos Lühl op die geboortesertifikaat geïdentifiseer word nie.NIE STAATLOOS Die ministerie beweer verder die ontsegging van Namibiese burgerskap aan die seun, sal nie die seun se regte skend nie aangesien hy nie staatloos sal wees nie.“Hy het 'n ander ouer wat 'n Meksikaan is.”Hulle voer aan die afwesigheid van 'n wet op surrogaatskap in Namibië, moet die parlement as die besluitnemende liggaam dien en nie die howe nie.“Die hof het die gebied van beleidsbesluit oortree, wat tradisioneel gereserveer is vir die wetgewer of die parlement om hul mening daaroor uit te spreek.”Nuus oor die appèl is deur sommige Namibiërs verwelkom wat nie die gelyke regte van die LGBTQ-gemeenskap ondersteun nie. Verskeie kritiek oor die ministerie se besluit is ook ontvang.“Ons ministerie veg teen 'n tweejarige,” het iemand Vrydag in die sosiale media geplaas.“Het ons geld om op sulke appèlle te mors?” het 'n ander gevra.Baie het die gebruik van belastingbetalers se geld bevraagteken, veral omdat duur Suid-Afrikaanse prokureurs aangestel is om die saak in die hooggeregshof te beveg.“Dit is 'n absurde stap deur die ministerie om regter Masuku se uitspraak blatant te verontagsaam wat hul ongrondwetlike diskriminasie uitgeroep het,” het die Namibia Equal Rights Movement Vrydag in 'n verklaring gesê.“Dis 'n staatsgefinansierde vervolging. Die ministerie van binnelandse sake het 'n ministerie geword wat vasbeslote is om slegs heteroseksuele Namibiërs te beskerm en te dien.Die Grondwet is duidelik alle Namibiërs is geregtig op waardigheid, geregtigheid en gelykheid,” het die organisasie gesê.Die organisasie het bygevoeg die appèl is 'n “magsmisbruik ten koste van belastingbetalers, om die LGBTQ-gemeenskap en hul gesinne te teiken.”Die beweging het 'n beroep op Namibiërs gedoen om op 15 November by 'n protesoptog in Windhoek aan te sluit.– republikein@republikein.com.na

Staat gooi wal teen gay regte

Kommentaar

Republikein 2026-05-04

Meld asseblief aan om kommentaar te lewer

Staat gooi wal teen gay regte

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.