Staan opsy goud, diamante is op pad

Goud is gewoonlik beleggers se eerste keuse naas die dollar as toevlugsoord. ’n Beurs in Singapoer dink egter pakkies diamante so groot soos ’n kredietkaart kan net so goeie belegging wees.Goud word as ’n goeie belegging beskou omdat dit teen ’n vasgestelde gewig en suiwerheidsvlak verhandel word.Diamante wissel egter in grootte, kleur en helderheid. Dit maak dit moeiliker om diamante as belegging aan te skaf.Om dié probleem op te los, het die Diamantbeleggingsbeurs in Singapoer ’n produk genaamd Diamond Bullion bekend gestel.Dit is pakkies beleggingsgraad gepoleerde diamante wat vir tussen US$100 000 en US$200 000 elk gekoop kan word.“Daar was tot nou toe geen manier hoe mense op dieselfde manier wat hulle in goud belê, in diamante kon belê nie,” sê Alain Vandenborre, uitvoerende voorsitter van die beurs.“Daar is absoluut geen verwantskap tussen diamante en enige ander bateklas soos hulpbronne, effekte of aandele nie.“Dit is ’n bate waarin jy waarde kan belê. Dit is ’n verskansing teen wisselvalligheid.”Die Diamant-muntmaatskappy in Singapoer verskaf die pakkies.Hulle word by De Beers en Alrosa, ’n Russiese firma, gekoop.Die diamante moet binne die boonste vyf vlakke van helderheid en kleur gegradeer wees.Die beurs beplan om in die toekoms pakkies van ander waardes ook beskikbaar te stel.PolishedPrices.com berig diamante verhandel nou teen pryse wat sowat 30% laer is as in 2011.Volgens hulle is dit omdat minder diamante in China verkoop word en omdat jong mense eerder in tegnologie as edelstene belê.Die beurs sê daar is sedert Mei 2016 met sowat US$165 miljoen se diamante verhandel. – Netwerk24/Bloomberg, verwerk

Staan opsy goud, diamante is op pad

Kommentaar

Republikein 2025-08-07

Meld asseblief aan om kommentaar te lewer

Staan opsy goud, diamante is op pad

Kommentaar

Republikein 2025-08-07

Meld asseblief aan om kommentaar te lewer

MELD AAN

Advertensie