Staal werk met 3C Metal Belmet

Augetto GraigBelmet is ’n gevestigde naam in Walvisbaai waar die gediversifiseerde staalvervaardiger se werkswinkels heeljaar, elke jaar sedert 2010, bedrywig is. Ten spyte van Covid-19 en ander uitdagings van 2020 is hierdie jaar nie ’n uitsondering nie, danksy ’n hewige klomp werk wat die maatskappy vir Debmarine Namibia doen.Die laaste vrag staalwerk is die afgelope naweek gelaai en is op pad na Kaapstad, waar dit deel van die aanboord-aanleg en die diepseebodem diamantkruipertoestel op Debmarine se nuwe N$7 miljard AMV3 diamantmynskip geïnstalleer sal word.Volgens die besturende direkteur, mnr. Jarcu Groenewaldt, het die Namibiese tak van die besigheid twee kontrakte vanaf Debmarine Namibia losgeslaan. Sowat 2 000 ton staalwerk word oor ’n periode van 18 maande voltooi. Die werk hou die staalwerkers van die Walvis-aanleg vanaf Januarie tot laat Oktober besig, sê hy. Danksy die vernuf en spesialistoerusting by 3C Metal Belmet wag ’n ry ander kliënte ook op Belmet se aandag.“Byvoorbeeld stuur ons binne drie of vier weke ’n span om laserskandering op ’n olietuig langs die kus van Maleisië te gaan uitvoer,” sê hy. Groenewaldt sê veral oliemaatskappye sien die voordeel daarin om werk in Namibië te laat doen, veral met betrekking tot boortoerusting. Spesialis-ambagsmanne met opleiding in diepsee-oorlewing gee Belmet ’n voordeel. “Ons verwag ook ons eerste twee vakleerlinge om deur die stelsel te kom . . . twee studente by NIMT (Namibiese Instituut vir Mynbou en Tegnologie),” sê hy.“Dit is ’n groot eer om met ’n projek van hierdie grootte vertrou te word, ons grootste ooit met De Beers Marine. Ons bou op ’n lang verhouding. Op ’n punt was ons op piek-indiensneming ’n span van 70 werksnemers. Nou is ons weer terug op 40, maar almal in permanente diens,” sê hy. “Dit was ’n seëning om besig te kan bly deur die inperking, en om werksgeleenthede te kon behou.” Volgens mnr. Mike Hausner, gebiedsboubestuurder vir De Beers Marine, was die aanloklike deel van Belmet se tender vir die projek hul plan om in Walvisbaai te vervaardig. “Die Namibiese belang van die kliënt Debmarine Namibia maak dit deel van die benadering vir die projek. Boonop was dit werklik goed uitgevoer met gehalte werk vanaf Namibië, goeie werk. Walvisbaai is goed geplaas om werk vanaf internasionale kliënte te neem. Daar is beslis ’n geleentheid hier,” sê hy.Die verandering van naam vanaf Belmet Marine Engineering Namibia, het vir die maatskappy in 2016 afgeskop met ’n vernouende verhouding met 3C Metal, en is bykans voltooi. 3C Metal Belmet spog nou met lidmaatskap by ’n gesogte netwerk van aanlegte in Suider-Afrika, insluitend Kaapstad asook Maputo.Volgens Groenewaldt bewys hulle met hierdie projek dat die maatskappy vanaf Walvisbaai ondersteuning aan groot projekte kan lewer. “Ons voetspoor help baie deur ons toe te laat om die werk tussen die werkswinkels te deel,” sê hy.Met bykans 100% Namibiese ambagsmanne en werksnemers neem 3C Metal Belmet verantwoordelikheid vir die vervaardiging van groot dele van die staalplaatwerk, staalstrukture en die pypwerk van die mynaanleg. Die Walvis-aanleg het ook aan dele van die hoëtegnologie-diepseekruiper gewerk, wat sedert Maandag 5 Oktober by De Beers se werkswinkel by Paardeneiland meganiese samestelling deurgaan, sê hy. – augetto@republikein.com.na

Staal werk met 3C Metal Belmet

Kommentaar

Republikein 2026-06-26

Meld asseblief aan om kommentaar te lewer

Staal werk met 3C Metal Belmet

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.