Sprinkane vir die vale

Dié swerm sprinkane is gister sowat 40 km oos van Nkurenkuru onderweg na Rundu opgemerk. Vier van die land se streke word nou deur sprinkaanplae geteister – die Zambezi-, Kavango-Oos en -Wes en die ||Kharasstreek. Volgens me. Violet Simaata, hoof- landbouwetenskaplike beampte in die Zambezistreek, is twee tipes sprinkane geïdentifiseer, naamlik die rooisprinkaan en die bruin Afrika-sprinkaan. Bestrydingspanne is ontplooi na al die gebiede waar die sprinkane aanwesig is. Foto Mike Skrywer