Spogtyd vir Johannes in Valencia

Tielman van LillHelalia Johannes, Namibië se koning van die langpad, het gisteroggend in Spanje haar nasionale Namibiese marathonrekord met twee minute en 49 sekondes verpletter.Johannes het verlede jaar op 10 Maart in Nagoya, Japan, haar persoonlike beste tyd en Namibiese rekord behaal toe sy die Nagoya-marathon in 2 ure 22 minute en 25 sekondes kafgedraf het. Alhoewel sy gister in Valencia, Spanje, met 2:19:52 in die derde posisie geëindig het, het dié 40-jarige Namibiër haar slag teen wêreldklas langasems gewys. Sy was ná die 30 kilometermerk 23 sekondes agter die voorste vier pasaangeërs. Birhane Dibaba, Tigist Girma en Ruti Aga (1:38:08) het saam voor gehardloop gevolg deur Degitu Azemiraw (1:38:15) in die vierde posisie. By die 40 km-merk was Dibaba en Azemiraw nie meer te siene nie, terwyl Girma en Aga onderskeidelik in die derde en vierde posisie vasgebyt het. Peres Jepchirchir in 2:10:12 en Joyciline Jepkosgei in 2:10:59 was egter besig om die krane oop te draai gevolg deur Zeineba Yimer in die vyfde plek. Johannes was wel 2:41 stadiger as Jepchirchir in die sesde posisie by die 40 km-merk (2:13:03), maar versnel egter briljant oor die laaste twee kilometer om van Girma, Aga en Yimer ontslae te raak en die bronsmedalje op te raap.Jepchirchir wen die marathon in 2:17:16 gevolg deur Jepkosgei met 2:18:40 (beide van Kenia) en Johannes derde in 2:19:52.– tielman@republikein.com.na

Spogtyd vir Johannes in Valencia

Kommentaar

Republikein 2025-12-16

Meld asseblief aan om kommentaar te lewer

Spogtyd vir Johannes in Valencia

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.