“Spinning” was nog nooit so Vankie nie

‘Net so goed soos mans’

11 October 2019 | Mense
Tanja Bause – ’n Horde mense drom saam om rokende bande en karre wat spin.

Die opwinding is groot en die toertjies waaghalsig.

Onder die voertuie is ’n rooi BMW en die mense hou hul asems op.

Wanneer die kar uiteindelik tot stilstand kom, klim ’n fyn, skraal meisie uit.

Vankies, soos almal haar ken, is een van min vroue en boonop die jongste wat aan die motorsport deelneem.

Evanka Möller (21) is op Rehoboth gebore en het haar skoolloopbaan aan Hoërskool Centaurus in Windhoek voltooi. Sy werk tans by ’n argitekfirma.

“Ek het op hoërskool op TV gesien hoe mense aan die sport deelneem, en dit het my aandag getrek. Ek het nog altyd van voertuie gehou, en die sport het my begin interesseer,” sê sy.

Vankies het vertonings begin bywoon, en Joel Nambahu sr. het haar meer van die sport geleer.

Dit was nie lank voor sy Immanuel Ekomeu leer ken het, wat haar onder sy vlerk geneem het en haar geleer het om te spin nie. Toe was sy 19 jaar oud.

“Imannuel is steeds my mentor.”

Dié twee en ’n span motorwerktuigkundiges is vennote in die Driver Red Motorsports-span.

Die voertuie wat gespin word, is BMW’s wat spesiaal vir dié doel aangepas is.

“Hulle het baie krag. Dit is nie die soort voertuig waarin jy sal klim om gou see toe te ry nie.”

Vankies sê daar is twee soorte spinners.

“Jy kry die binne die kar-spinner – jy spin jou voertuig sonder om dit te verlaat. Dan kry jy die toertjie-spinner. Dit is nou wanneer jy jou voertuig verlaat terwyl jy spin. Jy klim byvoorbeeld by die een venster uit, oor die dak en dan weer by die ander venster terug in jou kar, terwyl die stuurwiel gesluit is en jou voertuig op sy eie spin.”

Vankies se gunstelingtoertjie is die suicide slide.

“Dié toertjie is die gevaarlikste een wat ons doen. Jy hang basies by jou venster aan die bestuurskant uit met jou kop na onder. Jy hou nêrens vas nie, en net jou bene is in die voertuig. Die stuurwiel is gesluit en die voertuig spin op sy eie. Die is gevaarlik, maar die adrenalien wat in daai oomblik deur jou liggaam vloei, is ongelooflik.”

Die hele idee van die vertonings is om soveel moontlik rook te maak met die agterste bande, en om die bande te bars.

“Om een band te bars, is baie goed, maar dis baie beter as jy beide kan bars,” sê sy.

Hoewel die sport baie gevaarlik klink, is dit baie veilig en sodra mense daarin belang stel, word hulle die veiligheidsmaatreëls eerste geleer, sê Vankies.

“Jy mag geen alkohol of dwelms gebruik nie, en voor jy in die voertuig mag klim en deelneem, word jy vir alkohol getoets.”

Vankies en ander spinners was onlangs in Angola waar hulle aan die Angola Street Racers(ASR)-motorskou deelgeneem het.

“Die skou is een van die grootstes in Angola. In Angola spin mense nie – hulle doen net drag racing (versnelwedrenne) en drifting. Dit was baie opwindend om vir hulle te wys wat ons doen, en ek was ook die enigste vrou daar wat deelgeneem het.”

Vankies kan die skare slegs vermaak, omdat daar geen kategorie vir vroue is waaraan sy kan deelneem nie.

Sy hoop dit verander in die toekoms, en dat meer vroue daarin belang sal begin stel.

“Dit is soms ontsettend moeilik om aan dié sport, wat deur mans oorheers word, deel te neem. Hulle sien op vroue neer en dink nie ons kan dit doen nie. My grootste droom is om meer vroue na die sport te lok, want ons is net so bekwaam en goed soos mans.”

Soortgelyk

 

The rose among the thorns

17 ure gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

17 ure gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

17 ure gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

17 ure gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

17 ure gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

17 ure gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

17 ure gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

17 ure gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

17 ure gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...