Speurder getuig oor moordtoneel, arrestasie

Stefan Noechel – Sowat tien polisiebeamptes het die twee Amerikaners en moordverdagtes, mnre. Marcus Thomas en Kevan Townsend, by die African Sky Guesthouse in kamer 5 in hegtenis geneem.Die verdagtes is binne drie tot vier uur ná die moord op mnr. Andre Heckmair op 7 Januarie 2011 in hegtenis geneem.Dit volgens speurder Joseph Ndokosho van die Namibiese polisie (Nampol) se getuienis dié week in die Windhoekse hoërhof waar die moordverhoor tans voortduur.Ndokosho – wat reeds 20 jaar in die polisie is – was een van die eerste beamptes wat dié Vrydagmiddag op die noodoproep gereageer het.Hy het onmiddellik na Guisindestraat gery waar hy lede van die Windhoekse stadspolisie en Nampol se noodeenheid by die toneel ontmoet het. Hy het omstreeks 13:15 by die toneel opgedaag.Ndokosho het op staatsaanklaer Antonia Verhoef se versoek die moordtoneel beskryf. Die wit Toyota Land Cruiser, wat aan Heckmair se suster behoort het, se voorkant was na Nelson Mandelarylaan gedraai. Daar was volgens hom een persoon in die bestuurder se kant en hy het 'n skietwond aan die regterkant van sy kop gehad.Die bestuurder se venster was gedeeltelik afgedraai. Die man se hemp was oopgeknip en die paramedici het hom reeds dood verklaar.Ndokosho het na leidrade begin soek. Volgens hom het hulle geen selfoon, beursie, identiteitsdokument, bestuurderslisensie, vuurwapen of koeëldoppies op die toneel gevind nie.Selfdood is volgens hom aanvanklik vermoed, maar die afwesigheid van 'n vuurwapen het dié scenario in twyfel getrek.FAMILIE OP TONEELNdokosho het getuig Heckmair se familie het 'n rukkie later op die toneel aangekom. Hulle het Heckmair se selfoonnommer aan die polisie verskaf en gesê hy het 'n middagete-afspraak met twee Amerikaners gehad.Nadat die ondersoek by die toneel afgehandel is, het 'n toesighouer van Ndokosho, hoof-inspekteur Musweu, hom opdrag gegee om na die polisie se hoofkantoor in Bahnhofstraat te gaan om die saak aan te meld en 'n saaknommer te kry.'n Ander polisiebeampte, Kantema, het volgens oproepdata-state na die kantore van die mobiele telekommunikasie-maatskappy (MTC) gegaan om oproepdata-state van Heckmair se selfoonnommer te kry.Tydens 'n vergadering later dié middag is dit vasgestel die laaste nommer wat met Heckmair voor sy dood gekommunikeer het, was 081 681 4153 en die nommer behoort glo aan Thomas.Kantema was volgens Ndokosho in die besit van 'n fotokopie van Marcus se Amerikaanse bestuurderslisensie.Pogings om die nommer te bel, was onsuksesvol aangesien die selfoon af was. Die polisie het uitgevind Thomas gaan by die African Sky-gastehuis tuis en hy ry 'n wit Volkswagen Citi Golf. Die polisie het met voorbereidings begin om die gastehuis dop te hou.INHEGTENISNEMINGNdokosho het gesê met hul aankoms by die gastehuis het die ontvangsdame die verdagtes se kamer uitgewys.Die polisie het glo hulself by die kamerdeur geïdentifiseer en op toegang aangedring. Die deur was gesluit en eers nadat een van die beamptes gedreig het om met geweld die kamer binne te kom, het die verdagtes die deur oopgemaak.Al twee verdagtes is ná 'n vlugtige geskarrel in hegtenis geneem.Die polisie het die kamer deursoek en polisiebeampte Alfonso het 'n klein hoeveelheid dagga gevind en dit het die polisie die reg gegee om die twee mans op 'n klag van dwelmbesit in hegtenis te neem.Volgens Ndokosho was daar nie op die eerste dag van die soektog enige bewyse gekry wat die twee verdagtes aan die Heckmair-moord verbind nie.– republikein@republikein.com.naFOTODie 25-jarige André Heckmair is op 7 Januarie 2011 in ’n motor in Windhoek met een skoot in die kop doodgeskiet. Foto Argief

Speurder getuig oor moordtoneel, arrestasie

Kommentaar

Republikein 2026-02-03

Meld asseblief aan om kommentaar te lewer

Speurder getuig oor moordtoneel, arrestasie

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.