‘Spele kan nie wéér uitgestel word’

Die hoof van die Olimpiese reëlingskomitee het Donderdag gesê ondanks kommer oor die vierde vlaag van Covid-19-infeksies in Japan is dit nie ’n opsie om die Tokio-Spele weer uit te stel nie.Die Spele, wat reeds verlede jaar teen ’n bykomende koste van US$3,5 miljard uitgestel is, sal op 23 Julie sonder enige buitelandse toeskouers begin.Maar terwyl die Covid-19-gevalle toeneem, die inentingsprogram met ’n slakkegang beweeg en ’n noodtoestand in Tokio en nege ander omliggende gebiede afgekondig is, meen die meeste Japannese dat die Spele afgestel moet word.Die meerderheid van Tokio se metropolitaanse raadslede stem ook saam, berig die dagblad Tokyo Shimbun.’n Voorbeeld van die angstigheid wat heers, is die inwoners van die stad Ota se woede oor ’n besluit dat voorkeur gegee moet word aan die inenting van personeel wat die besoekende Australiese sagtebalspan in sy oefenkamp in die stad bystaan.Maar die president van die reëlingskomitee, Seiko Hasjimoto, het aan Nikkan Sports gesê die Spele kan nie weer uitgestel word nie.Hasjimoto, wat aan sewe Olimpiese Somer- en Winterspeles deelgeneem het as skaatser en baanfietsryer, het aan die BBC gesê hoewel die inwoners se kommer verstaanbaar is, kan hulle gerus wees dat ’n “bio-borrel-situasie” geskep sal word.Volgens haar is dit 100% seker dat die Spele sal voortgaan. “Een ding waartoe die reëlingskomitee verbind is en wat ons alle atlete belowe, is dat ons hulle veilig en gesond sal hou.”Hasjimoto sê dit is egter hartseer dat die skouspel sonder buitelandse toeskouers moet voortgaan.“Dit gebeur een keer in ’n leeftyd dat hulle (sportlui) die kans kry om aan die Spele deel te neem,” het sy aan die BBC gesê. “Om nie hul familie en vriende daar te kan hê wat hulle die heel tyd kan ondersteun nie, moet vir hulle moeilik wees, en dit is vir my ook bitter swaar.”• In die jongste terugslae in die opbou tot die Spele het die stad Koeroeme besluit om nie meer gasheer vir Kenia se oefenkamp te wees nie.Taiwan se sagtebalspan, wat vierde op die wêreldranglys is, het hom ook aan die finale kwalifiseringstoernooi vir die Spele onttrek. Dit is glo omdat die span nie ’n veilige plek in die land kon vind waar geoefen kan word nie. Daar was ook kommer oor die gesondheidsrisiko’s in Mexiko, waar die toernooi aangebied is. – Reuters, Netwerk24FOTO’sSeiko Hasjimoto, president van die Tokio-2020-reëlingskomitee. Foto Getty ImagesDie Nasionale Stadion in Tokio waar die openingseremonie van die Spele sal plaasvind. Foto Getty Images

‘Spele kan nie wéér uitgestel word’

Kommentaar

Republikein 2025-12-17

Meld asseblief aan om kommentaar te lewer

‘Spele kan nie wéér uitgestel word’

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.