Speelgoed gee weer hoop

Yolanda Nel Ná ’n familievriend van ’n gesin in Windhoek in die hospitaal weens Covid beland het, het ’n vierjarige besluit die oom kan nie so alleen in die hospitaal lê nie.Me. Willien Meiring vertel haar dogtertjie het gesê sy wil een van haar sagte speelgoed vir die oom gee. “Toe ons vriend se vrou vir hom die apie en padda gee, het dit omtrent die gemoed gelig,” sê sy. Die hospitaalpersoneel het tot vir dié twee nuwe kamermaats name gegee. Willien het daarna begin wonder of sy nie vir nog sagte speelgoed moet vra, sodat elke pasiënt ’n metgesel tydens hul verblyf in die hospitaal het nie.“Ek het my vriendinne gevra of hulle kinders nie dalk ’n beertjie het wat hulle wil skenk nie, en nie lank daarna nie het ek boodskappe en oproepe gekry van mense wat betrokke wou raak.” Sy het al meer as 100 beertjies ingesamel wat by die Katutura- en MediClinic-hospitaal afgelewer gaan word. Die hospitale het ook laat weet hulle sal ’n beertjie saam met pasiënte stuur waarvoor daar nie op die oomblik ’n bed beskikbaar is nie, as ’n teken van bemoediging.Sy vertel daar het reeds sulke mooi boodskappe van hoop teruggekom.Volgens Willien het haar dogter, Niané, ’n regte omgeehart. “Sy het iets gevat waarvan sy baie hou om dit vir iemand anders beter te maak,” sê sy. Dit leer haar dogter om te gee en te deel. “Die impak op kinders is groot, hulle besef die wêreld is anders en dat mense nie meer vir mekaar kan kuier nie.”Indien jy of jou kind betrokke wil raak, skryf ’n briefie van hoop en die beertjie se naam by. Dit kan môre (14 Julie) by die NG Kerk Windhoek Oos tussen 09:00 en 12:00 afgelewer word of by R&R Importers. By die kus kan Malinda Oosthuizen by 081 376 0791 gekontak word. - republikein@republikein.com.na

Speelgoed gee weer hoop

Kommentaar

Republikein 2025-08-25

Meld asseblief aan om kommentaar te lewer

Speelgoed gee weer hoop

Kommentaar

Republikein 2025-08-25

Meld asseblief aan om kommentaar te lewer

MELD AAN

Advertensie