Speaker dring aan jeug moet by kiesproses betrek word

ECN 'gerat vir verkiesing'

20 May 2019 | Politiek
Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.

Die uitvoerende hoof van die Verkiesingskommissie van Namibië (ECN), mnr. Theo Mujoro, het Vrydag in Windhoek aangekondig dié liggaam is reg vir Woensdag 27 November 2019 wanneer Namibiërs stembus toe gaan vir die presidents- en NV-verkiesings.

Tydens die bekendstelling van die kieseropleidingsveldtog by 'n hotel in die hoofstad het die voorsitter van die ECN-raad, adv. Notemba Tjipueja, gesê hulle glo burgerlike opvoeding is een van die sleutelfunksies van die ECN.

Derhalwe is kieseropleidingsbeamptes oraloor in al 14 streke ontplooi om op 'n daaglikse grondslag inligting te verskaf, het sy gesê. “Burgers sal nie hul demokratiese reg kan uitoefen om te stem nie, tensy hulle ten volle die doel van die kiesproses en die belangrikheid van elke stem verstaan,” het sy gesê.

Voornemende kiesers moet ook kennis neem van die impak wat 'n verkiesing op gemeenskappe se politieke, maatskaplike en ekonomiese omgewing kan hê, het Tjipueja gemaan.

Die ECN se strategieë om voornemende kiesers te betrek, moet rekening hou met hoofstroomkiesers en dié in benadeelde ruimtes, sê sy. “Faktore soos die verskillende tale wat in die land gepraat word, minderheidsgroepe en intern ontwortelde mense word in ag geneem en spesifieke teikengerigte programme word ontwerp om insluiting te verseker in wat ons spesifieke opleidingsprogramme noem.”

Katjavivi het gesê 'n ware demokrasie is gemik op geslagsgelykheid en regstellende aksie vir die bevryding van alle burgers.

Vroue se deelname aan die demokrasie is 'n mensereg, sê hy. “Vry en regverdige verkiesings moet derhalwe dien as grondslag vir die gesag van enige ­verteenwoordigende regering,” het hy Vrydag in die hoofstad gesê.

Katjavivi sê hy is bly die ECN is verbind tot strategieë om toe te sien dat die jeug ingesluit word. “Die jeug neem dikwels na wat berig word minder gereeld deel aan kiesprosesse, insluitend om te stem of om hulle verkiesbaar te stel as moontlike kandidate as politieke ampsdraers. Ek is daarom bly verkiesingsliggame in Afrika probeer bewustelik 'n meer insluitende rol speel om jeugdeelname te bevorder.”

Soortgelyk

 

Kawana gee besonderhede oor viskwotas

12 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

23 ure gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

23 ure gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

23 ure gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

23 ure gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

23 ure gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

23 ure gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

23 ure gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

23 ure gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...