Spanning tussen VSA, N-Korea laai op

Pres. Donald Trump het Noord-Korea se wreedaardige regime veroordeel ná die dood van Otto Warmbier (22), die student wat 17 maande lank in ’n tronk in dié land was.Hy het ernstige breinskade gehad en was in ’n diep koma toe hy verlede week vrygelaat is.Trump het sy medelye met Warmbier se familie betuig.“Otto se lot verdiep my administrasie se vasberadenheid om te verhinder dat onskuldige mense slagoffers word van regimes wat nie basiese menswaardigheid respekteer nie.”Warmbier se dood het die spanning tussen Amerika en Noord-Korea vererger. Dié land probeer missiele met kernbomme ontwikkel wat Amerika kan bereik.Trump het vantevore gewaarsku dat hy “alle opsies” teen Noord-Korea oorweeg. Tot dusver probeer hy om China te oortuig om druk op Noord-Korea te plaas sodat die land van sy kernwapenontwikkeling sal afsien.Openbare woede in die VSA oor die dood van Warmbier kan dalk dié strategie verander.Rex Tillerson, Amerika se minister van buitelandse sake, sê Amerika hou Noord-Korea verantwoordelik vir Warmbier se onregverdige gevangenskap en eis dat drie ander Amerikaners wat steeds in aanhouding is, vrygelaat word.Ralph Cossa, hoof van Pacific Forum CSIS, sê dit sal nou baie moeiliker vir Amerika wees om vordering te maak in sy hantering van Noord-Korea as dié drie Amerikaners nie vrygelaat word nie. Netwerk24

Spanning tussen VSA, N-Korea laai op

Kommentaar

Republikein 2025-08-07

Meld asseblief aan om kommentaar te lewer

Spanning tussen VSA, N-Korea laai op

Kommentaar

Republikein 2025-08-07

Meld asseblief aan om kommentaar te lewer

MELD AAN

Advertensie