Spanne op Omeya eindig gelykop

Omeya gholfklub se 2021 Members Cup het Saterdag op ’n hoë noot geëindig. Op grond van agt kwalifiserende rondtes vanjaar (die Race to Omeya-reeks) is die spanne van die Huiseienaars en die Klublede saamgestel wat Vrydagoggend afgeskop het. Oor die twee dae sou die spanne oor vier rondtes gholf in verskillende formate meeding (vierspel twee rondes, beterbal en ter afsluiting putjiespel). Ná van die beste gholf wat nóg op Omeya gespeel is, het die Klublede ná die eerste dag ’n skrale voorsprong (8-en-’n-half teen 9-en-’n-half) gehou. Ná ’n naelbyter op die finale dag het Leonard Beukes en Meliki Shoozi hard baklei vir die wen. Die twee het daarin geslaag om die 18de putjie se puntetoekenning te halveer en met ’n gelykopuitslag (15-15) te verseker dat die trofee tussen die twee spanne gedeel word. Omeya gholfklub bedank graag al die borge, toeskouers en veral die spelers vir ’n fantastiese reeks en finaal. Foto verskaf