Spanje erken nie referendum

Die Spaanse regering erken nie die referendum wat in Katalonië gehou is nie. Volgens 'n verklaring van die Spaanse ambassade in Windhoek was daar nie 'n referendum nie, “nóg enige iets wat enige een 'n referendum in 'n demokratiese land sal noem nie”.“Daar is nie 'n amptelike sensus, onafhanklike verkiesingskommissie of stembusse met minimum waarborge nie.“Die beweerde referendum is deur die regering van Katalonië belê ingevolge 'n wet wat deur die Spaanse grondwetlike hof opgeskort is. Die wet is op 6 September deur 'n gewone meerderheid in die Katalaanse parlement aanvaar en skort byvoorbeeld die Katalaanse verkiesingswetgewing op, wat 'n tweederdemeerderheid vereis. “Dit is ook goedgekeur in skending van die regulasies van die parlement van Katalonië en die statuut van outonomiteit van Katalonië, wat in 2006 goedgekeur is. Hierdie statuut gee nie bevoegdheid aan die Katalaanse parlement om dit te doen nie. Dit is ook 'n skending van die Spaanse grondwet, wat in 1978 deur meer as 90 persent van Katalane goedgekeur is,” lui die verklaring.“Die deur vir dialoog bly oop, maar moet dit binne die raamwerk van die demokrasie en bestaande wetgewing geskied.”Ondertussen berig Reuters die afstigtingsleier van Katalonië het 'n beroep om internasionale bemiddeling gedoen om die dispuut met Madrid op te los. Volgens die uitslae van die referendum het kiesers oorweldigend vir onafhanklikheid gestem, met teenstanders van afstigting wat die referendum geboikot het. Die Katalaanse leier, Carles Puigdemont, hou vol dat die stemmery wettig was en geïmplementeer moet word.– Eie berig/Reuters

Spanje erken nie referendum

Kommentaar

Republikein 2025-05-16

Meld asseblief aan om kommentaar te lewer

Spanje erken nie referendum

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie