Sowat 5 ton ingevoerde hoender vernietig

Vervaldatum verdoesel

09 September 2019 | Misdaad
Ronelle Rademeyer



Nagenoeg vyf ton ­ingevoerde hoender met 'n ­vervalste ­vervaldatum op die ­ver­pak­king is by die Kupferberg-stortingsterrein by Windhoek ­vernietig.

Die direktoraat veeartseny­dienste het op 25 Junie op die hoender beslag gelê, en is 10 dae gelede (op 29 en 30 Augustus) onder toesig van dié owerheid vernietig.

Volgens me. Margaret Kalo, woordvoerder van die ministerie van landbou, water en bosbou, is op 1 126 kartonne hoender van 4 850 kg in totaal beslag gelê. Dit is via Suid-Afrika uit die VSA ingevoer.

Kalo sê daar was twee verskillende plakkers op die bokse ingevoerde hoender. Die een plakker het aangedui die vervaldatum is 23 Janua­rie 2019. Dit het ook die naam van die produsent op gehad.

Bo-op dit was 'n tweede plakker met 19 Februarie 2020 as vervaldatum. Dit het nie die produsent se naam op gehad nie.

Volgens Kalo is die hoender deur 'n Walvisbaaise sakeman ingevoer wat gereeld hoenderprodukte invoer.

Sy sê dit is wettiglik na Suid-­Afrika ingevoer en toe weer na Namibië uitgevoer.

Kalo het by navraag gereageer en gesê die kwessie is met die invoerder bespreek, wat besef die vervalde produkte hou 'n risiko vir mense se gesondheid in.

Volgens die Namibië Statistiek­agentskap (NSA) is 16 993 ton hoender in 2018 na Namibië ­ingevoer.

Die storting van goedkoop ­buitelandse hoenderprodukte hou 'n ernstige bedreiging vir plaaslike hoenderproduksie in.

Dit is die rede vir die ­ministerie van nywerheidsontwikkeling, handel en SME-ontwikkeling se besluit om eerskomende Vrydag 'n openbare konsultasiesessie te hou.

Mnr. Pieter van Niekerk, kommersiële bestuurder by Namib Mills, het vroeër aan Republikein gesê die ministerie “probeer regtig na al die partye luister”, maar dat 'n besluit oor die plaaslike hoender­bedryf binne die volgende paar weke gemaak moet word.

- [email protected]

Soortgelyk

 

Teko-trio vrygespreek

1 uur gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Dokters wis nie van voorskrifte

11 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

11 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

11 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

11 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

11 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

11 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

11 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...

Invaluable experience for Alonso at Lichtenburg

11 ure gelede | Motors

Fernando Alonso and Marc Coma completed an eventful but invaluable learning experience at the Lichtenburg 400 in South Africa on Friday and Saturday with Toyota...