Soveel meer vir wyn, bier, sigarette

Elvira Wood - As jy lief is vir ’n drankie óf ’n dampie – hetsy ’n goeie ou sigaret of ’n nuwerwetse elektroniese tabakverhittingstoestel (e-sigaret) – sal jy dit soos gewoonlik aan jou sak voel.Vanjaar was die tesourie Suid-Afrikaners effens genadig en die pryse van die meeste van dié produkte sal met die verwagte inflasiekoers van 4,4% styg.Vonkelwyn styg egter met 6% terwyl pyptabak met 7,5% styg.Die stygings beteken jy betaal nou R10,77 belasting op ’n bottel vonkelwyn, R1,81 op ’n blikkie bier en ’n stewige R68,73 per bottel brandewyn, whisky of wodka.Tabakverhittingsprodukte sal onmiddellik belas word teen 75% van die koers waarteen gewone sigarette belas word.Hier is die belangrikste stygings – en ’n aanduiding van hoeveel belasting jy per blikkie bier, bottel wyn en pakkie sigarette betaal:- Bier: Styg met 4,4% tot R106,56 per liter absolute alkohol, of tot R1,81 per 340 ml-blikkie.- Wyn: Styg met 4,4% tot R4,39 per liter, of tot R3,29 per 750 ml-bottel.- Vonkelwyn: Styg met 6% tot R14,36 per liter, of tot R10,77 per 750 ml-bottel.- Spiritualieë: Styg met 4,4% tot R213,13 per liter absolute alkohol, of tot R68,73 per 750 ml-bottel.- Sider en alkoholiese vrugtedrankies: Styg met 4,4% tot R106,56 per liter absolute alkohol, of tot R1,81 per 340 ml-blikkie.- Sigarette: Styg met 4,4% tot R17,40 belasting per 20 sigarette.- Pyptabak: Styg met 7,5% tot R5,99 per 25 g.- Sigare: Styg met 7,5% tot R96,45 per 23 g.- Netwerk24

Soveel meer vir wyn, bier, sigarette

Kommentaar

Republikein 2025-11-05

Meld asseblief aan om kommentaar te lewer

Soveel meer vir wyn, bier, sigarette

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.