Sout van die aarde

Om baanbrekers in hul eie leeftyd te bedank en vereer, is ‘n verpligting van elke gemeenskap en nasie.Hierdie opbouende verhale doen baie om die kompas van ‘n land positief te rig.Die toekenning van ‘n eredoktersgraad deur die Universiteit van Namibië aan suster Paule Atiogbe op die rype ouderdom van 89 jaar, is een so ‘n voorbeeld. As non, onderwyseres en skoolhoof het die “Moeder Teresa” ‘n lewe toegewy aan die opheffing en ontwikkeling van mense.Nog ‘n voorbeeld uit die Suide was die onlangse wyding van biskop Willem Christiaans as die eerste Namibiese leier van die Keetmanshoop-bisdom van die Katolieke kerk. Die oomblik was plaaslike en wêreldgeskiedenis.Christiaans, komende uit ‘n gesin van 11 kinders, moes onteenseglik die skouer sy lewe lank ferm teen die wiel hou om so ‘n prestasie te behaal.Hierdie voorbeelde kan ander begeester en aan ons jeug wys waar daar ‘n sterk genoeg wil is, wag daar altyd ‘n weg op die pionier.Soortgelyke berigte in onlangse uitgawes sluit in die nalatenskap van die legendariese skipper Dirk van Rhyn met sy kennis oor die visbedryf.En die belang moet nie net wees by die gryse wysheid van die verlede se ringkoppe nie. Die werk van Rehoboth se twee “vroedbroers”, CJ en Monroy Jaftha, is ewe besielend.Ook reusebydraes deur inwoners van ander lande wat Namibië hul tuiste gemaak het, moet gevier word. Soos oudbiskop Philipp Pöllitzer by wie Christiaans oorgeneem het.Deel hierdie verhale met ons, sodat ons dit met Namibië kan deel.So sê ander16 Mei 2018Beeld en Die Burger sêDie tragedie wat vandeesweek op die grens van Israel en die Gasa-strook afgespeel het, laat vrede tussen die Israeli’s en die Palestyne weer verder buite bereik as voorheen.Met die doodskiet van meer as 50 betogers het die konfrontasie tussen die strydende partye ’n nuwe vlak bereik wat die situasie nóg moeiliker maak om te ontlont.Dié gebeure beklemtoon weer eens die ontsettende tragedie en oënskynlike onoplosbaarheid van die Joods-Palestynse probleem: Twee volke wat albei met reg op dieselfde grondgebied aanspraak maak.Die bereidheid tot ’n kompromis wat tot ’n dekade of twee gelede ’n wankelrige bestaan gevoer het, is op sterwe na dood. Die Palestyne wil Israel van die kaart vee, en talle Israeli’s gun die Palestyne geen eie staat nie.Dis ’n Griekse tragedie wat hom hier met enorme lyding en lewensverlies afspeel, en ’n vreedsame oplossing blý die wêreld ontwyk.• NETWERK24

Sout van die aarde

Kommentaar

Republikein 2025-11-04

Meld asseblief aan om kommentaar te lewer

Sout van die aarde

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.