Sopnat verrassing!
Terwyl die weerstoestande oor die afgelope dae belowend oor die sentrale dele, die Ooste en selfs die kus vertoon het, bestaan daar steeds 'n kans op reën in die komende dae. Die Namibiese weerkantoor het vir vandag gedeeltelik bewolkte en warm tot baie warm weer voorspel, met geïsoleerde donderbuie in die Suide. Elders is daar ook 'n kans op enkele en verspreide donderstorms, sê die weerkantoor, terwyl dit gedeeltelik bewolk en baie warm tot bloedig warm sal wees. Dit volg nadat dit Dinsdag in Windhoek (foto) gereën het, met tot 7 mm reën wat op Harmonie suid van die hoofstad gemeet is. Ligte reën het ook vandeesweek op Gobabis en Karibib voorgekom. Tanja Bause het die foto van 'n skielike reënbui Dinsdag oor die middaguur in Eros geneem.
Kommentaar
Republikein
Geen kommentaar is op hierdie artikel gelaat nie