Sonny Bill en sy vuiste slaan nuwe koers in
Rugby
Sonny Bill Williams het bevestig hy gaan hom voortaan volkome daarop toespits om 'n bokswêreldkampioen te word en dat sy rugbyloopbaan iets van die verlede is.
Stuff berig die 35-jarige voormalige All Black-ster het amptelik sy rugbystewels gebêre. Williams, wat die afgelope paar jaar weer rugbyliga speel, het sy laaste verskyning in die NRL vir die Sydney Roosters gemaak in verlede jaar se halfeindstryd-nederlaag teen die Canberra Raiders.
Hy voltooi sy NRL-loopbaan met 123 wedstryde vir die Canterbury-Bankstown Bulldogs en Roosters en het titels saam met albei klubs in onderskeidelik 2004 en 2013 verower.
Williams bly aan by die Roosters in 'n rol as mentor, maar hy is oorgehaal om sy boksloopbaan na die volgende vlak te neem. Hy spog met 'n beroepsrekord van 7-0.
Williams erken hy hoop om sy volgende geveg met “ses maande” se oefening aan te pak eerder as “ses weke”, soos die geval was tydens sy loopbaan as rugbyspeler.
“Ek het met my bestuurder gesels en gesê: 'Boet, ek is gretig om weer in die kryt te klim, ek het nog 'n paar jaar in my, ek is 35',” sê hy.
“Ek het dit eers met my vrou bespreek en sy was nogal verbaas, maar soos gewoonlik ondersteun sy my.
“Ek wil sien hoe ek vaar met ses maande se oefening pleks van net ses weke.”
Williams gee toe knaende knieprobleme het bygedra tot sy besluit om rugby vaarwel te roep. “Ek was nederig genoeg om te besef my knie kon nie meer die uitdagings te bowe kom nie, al wou ek weekliks nog in die NRL meeding.”
Op die vraag oor hoe hy in rugbyliga onthou wou word, sê hy: “Soos 'n broer en 'n man wat elke uitdaging aanvaar het. Glad nie perfek nie, maar iemand wat uit sy lesse probeer leer het.” – Netwerk24
Stuff berig die 35-jarige voormalige All Black-ster het amptelik sy rugbystewels gebêre. Williams, wat die afgelope paar jaar weer rugbyliga speel, het sy laaste verskyning in die NRL vir die Sydney Roosters gemaak in verlede jaar se halfeindstryd-nederlaag teen die Canberra Raiders.
Hy voltooi sy NRL-loopbaan met 123 wedstryde vir die Canterbury-Bankstown Bulldogs en Roosters en het titels saam met albei klubs in onderskeidelik 2004 en 2013 verower.
Williams bly aan by die Roosters in 'n rol as mentor, maar hy is oorgehaal om sy boksloopbaan na die volgende vlak te neem. Hy spog met 'n beroepsrekord van 7-0.
Williams erken hy hoop om sy volgende geveg met “ses maande” se oefening aan te pak eerder as “ses weke”, soos die geval was tydens sy loopbaan as rugbyspeler.
“Ek het met my bestuurder gesels en gesê: 'Boet, ek is gretig om weer in die kryt te klim, ek het nog 'n paar jaar in my, ek is 35',” sê hy.
“Ek het dit eers met my vrou bespreek en sy was nogal verbaas, maar soos gewoonlik ondersteun sy my.
“Ek wil sien hoe ek vaar met ses maande se oefening pleks van net ses weke.”
Williams gee toe knaende knieprobleme het bygedra tot sy besluit om rugby vaarwel te roep. “Ek was nederig genoeg om te besef my knie kon nie meer die uitdagings te bowe kom nie, al wou ek weekliks nog in die NRL meeding.”
Op die vraag oor hoe hy in rugbyliga onthou wou word, sê hy: “Soos 'n broer en 'n man wat elke uitdaging aanvaar het. Glad nie perfek nie, maar iemand wat uit sy lesse probeer leer het.” – Netwerk24
Kommentaar
Republikein
Geen kommentaar is op hierdie artikel gelaat nie