Sondeleeu nou ma van drie welpies
Des Erasmus
Die omstrede leeus van die Erongo-bergbewaringsgebied was oorspronklik vyf. Toe word hulle net twee. Nou's hulle weer vyf.
Die leeuwyfie het pas 'n werpsel van drie die lig laat sien.
Van die kommunale boere wat in die gebied wes van Omaruru deel, het met twee afsonderlike aanmeldings van die wyfie met haar drie kleintjies gekom. In een geval onmiskenbaar waar hulle oor 'n pad gedraf het. Piepklein, maar springlewendig.
Met die werpsel se koms verdiep die geheim van Grootberg in Damaraland waar die oorspronklike vyf van agt probleemleeus gevang en na die Omaruru-geweste oorgeplaas is. Hulle moes skoert uit Grootberg nadat in twee enkele nagte meer as 200 kleinvee gevang is.
Een van die vyf oorspronklike leeus het dit met die oorplasing na die Omaruru-bergbewaringsgebied blykbaar weens stres nie gemaak nie. Een van die oorblywende vier het pas ná die vrylating wes beweeg, blykbaar op soek na sy oorspronklike jagvelde. Nog een het blykbaar na die bergland suid van die bewaringsgebied uitgewyk waar 'n donkie na bewering gevang is. Hy's nie weer gesien nie. Toe bly net twee oor, 'n mannetjie en 'n wyfie.
Juis die drie welpies dra ondanks hul lewens van net 'n paar dae by tot die talle vrae en onmin wat as gevolg van hul aangewese nuwe habitat ontstaan het.
Die hervestiging was teen die einde van November, begin van Desember. 'n Leeuwyfie se swangerskap duur gemiddeld 106 dae. Met haar koms moes sy gevolglik reeds hoog dragtig gewees het. Pylverdowing word tydens swangerskap afgeraai. Dit kan tot die dood van die wyfie of die ongebore kleintjies lei. Nou wat nou, vra die antileeuboere.
Oor die hervestiging word verskeie ander vereistes aangehaal wat blykbaar ook nie nagekom is nie.
Die leeustryd van die Erongo-bergland lewer nou ook sy ligter oomblikke.
Net vandeesweek het 'n jong beeswagter by 'n opstal kom aanmeld hy gaan nie terug veld toe nie. Daar's leeus. Hy het hul spoor gekry en sal die plek gaan uitwys, maar weier om alleen te gaan. Uiteindelik het sommer 'n groot groep ander werkers hom vergesel met hy wat self uit vrees 'n omweg na die plek gevolg het en 'n afstand gehandhaaf het. Toe kry van die ander lede van die geselskap die spoor in die sand.
Dit was 'n luiperd s'n.
Die omstrede leeus van die Erongo-bergbewaringsgebied was oorspronklik vyf. Toe word hulle net twee. Nou's hulle weer vyf.
Die leeuwyfie het pas 'n werpsel van drie die lig laat sien.
Van die kommunale boere wat in die gebied wes van Omaruru deel, het met twee afsonderlike aanmeldings van die wyfie met haar drie kleintjies gekom. In een geval onmiskenbaar waar hulle oor 'n pad gedraf het. Piepklein, maar springlewendig.
Met die werpsel se koms verdiep die geheim van Grootberg in Damaraland waar die oorspronklike vyf van agt probleemleeus gevang en na die Omaruru-geweste oorgeplaas is. Hulle moes skoert uit Grootberg nadat in twee enkele nagte meer as 200 kleinvee gevang is.
Een van die vyf oorspronklike leeus het dit met die oorplasing na die Omaruru-bergbewaringsgebied blykbaar weens stres nie gemaak nie. Een van die oorblywende vier het pas ná die vrylating wes beweeg, blykbaar op soek na sy oorspronklike jagvelde. Nog een het blykbaar na die bergland suid van die bewaringsgebied uitgewyk waar 'n donkie na bewering gevang is. Hy's nie weer gesien nie. Toe bly net twee oor, 'n mannetjie en 'n wyfie.
Juis die drie welpies dra ondanks hul lewens van net 'n paar dae by tot die talle vrae en onmin wat as gevolg van hul aangewese nuwe habitat ontstaan het.
Die hervestiging was teen die einde van November, begin van Desember. 'n Leeuwyfie se swangerskap duur gemiddeld 106 dae. Met haar koms moes sy gevolglik reeds hoog dragtig gewees het. Pylverdowing word tydens swangerskap afgeraai. Dit kan tot die dood van die wyfie of die ongebore kleintjies lei. Nou wat nou, vra die antileeuboere.
Oor die hervestiging word verskeie ander vereistes aangehaal wat blykbaar ook nie nagekom is nie.
Die leeustryd van die Erongo-bergland lewer nou ook sy ligter oomblikke.
Net vandeesweek het 'n jong beeswagter by 'n opstal kom aanmeld hy gaan nie terug veld toe nie. Daar's leeus. Hy het hul spoor gekry en sal die plek gaan uitwys, maar weier om alleen te gaan. Uiteindelik het sommer 'n groot groep ander werkers hom vergesel met hy wat self uit vrees 'n omweg na die plek gevolg het en 'n afstand gehandhaaf het. Toe kry van die ander lede van die geselskap die spoor in die sand.
Dit was 'n luiperd s'n.
Kommentaar
Republikein
Geen kommentaar is op hierdie artikel gelaat nie