Son gaan vandag 'stilstaan'

21 June 2018 | Wetenskap
Elvira Hattingh - Vandag om 12:07 sal die son regoor die Kreefskeerkring geleë wees en dus sy noordelikste posisie of verste punt vanaf die suidelike halfrond bereik – wat die wintersonstilstand genoem word.

Afgesien daarvan dat dit beteken vannag sal die langste nag en kortste dag in Namibië wees, dui dit ook die middel van die winterseisoen vir die suidelike halfrond aan.

Die webwerf www.timeanddate.com verduidelik die aarde se Noordpool is nou na die son gedraai, wat beteken die son sal vir 24 uur lank nie ondergaan oor die gebied net suid van die Arktiese sirkel tot by die Noordpool nie.

Tydens hierdie gebeurtenis word daar na die “middernagson” verwys en dit mag voorkom of die son “gaan staan” het.

Die woord “sonstilstand” is inderdaad ook ‘n vertaling van die Latynse woord solstitium, wat beteken “die son kom tot stilstand”.

DIE WETENSKAP

Met die aanvang van die Namibiese winter “beweeg” die son skynbaar in die rigting van die Kreefskeerkring, wat daartoe lei dat dae in die suidelike halfrond al korter raak, word in ‘n artikel op earthsky.org verduidelik. Die teenoorgestelde gebeur in die noordelike halfrond, waar die dae dan al langer word.

Wanneer die son weer na die Steenbokskeerkring “beweeg” en Namibië sy somermaande binnegaan, werk dit andersom en dae in die suidelike halfrond raak langer, terwyl die nagte korter raak.

Wanneer die son sy verste punt Noord of Suid bereik en direk bo een van die keerkringe geleë is, word dit ‘n sonstilstand genoem. Die somersonstilstand vind gewoonlik op 21 Desember plaas.

Die ewenaar vorm die middelpunt van die Kreefskeerkring en die Steenbokskeerkring. Wanneer die son regoor die ewenaar geleë is, word dit die dag-en-nag-ewening genoem, wat beteken dag en nag is oral op aarde ewe lank. Dit vind in Maart en September plaas.

Van die aarde af lyk die son hoër in die lug in die somer. As die son hoër deur die lug beweeg, het dit ‘n langer pad om te voltooi, wat beteken die dae in die somer is langer as in die winter.

Sonstilstande word oraloor die wêreld deur verskeie kulture gevier.

Soortgelyk

 

Wilde perde: Jongste vul reeds aangeval

6 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

6 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

6 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

6 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

6 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

6 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

6 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

6 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

6 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...