Soms het jy net ’n wekroep nodig

Leandrea LouwBad vibes en negatiwiteit omring ons voortdurend, maar laat ek vandag jou liggie aan die einde van die tonnel wees. Ons alledaagse lewe het 'n aanhoudende gewoel geword. Ons jaag die volgende sperdatum na en om die volgende projek aan te pak, maar ons is geneig om die belangrikste van alles te vergeet - onsself.Ek preek altyd oor self-care, omdat ek myself voortdurend moet herinner dat ek nie 'n masjien is nie. Ek moet myself daaraan herinner dat selfversorging baie meer is as om Sondagaande net 'n gesigmasker aan te smeer en my toonnaels mooi pers te verf.Verlede week het ek die geleentheid gehad om 'n werksessie by te woon wat Monika Walter, 'n lewensafrigter, aangebied het. Die werkwinkel het gefokus op ouers wat stres ondervind, en hoe om alledaagse frustrasies te hanteer. Ek was nie seker wat om te verwag nie, maar ek het daaruit gestap en tien keer beter gevoel as toe ek ingestap het.Sy het gevra ons moet deel hoekom ons by tye so stressed out is en vir die meerderheid van ons was ons grootste bekommernis, doen ons genoeg, is ek ’n goeie ma of pa? Die verantwoordelikheid om 'n klein mensie te versorg en te vorm, lê op ons skouers. No pressure, right? Ons moes toe ’n lysie maak. Eerstens het sy gesê ons moet al die positiewe eienskappe opnoem wat ons in 'n vriend wil hê. Jy wil byvoorbeeld 'n vriend hê wat lojaal, begripvol, liefdevol is, ens. Kort nadat ons die lysie gemaak het, het sy vir ons gesê ons moet die karaktereienskappe doodtrek wat nie by ons pas nie.Tweedens het sy ons opdrag gegee om 'n lys te maak van goeie dinge wat 'n onderwyser vir ons gesê het of om te fokus op iets goed wat gedurende ons kinderjare gebeur het. Dit het moeilik geraak omdat jy op al die goeie dinge moes fokus en nie net op die slegte nie.Laastens het sy ons opdrag gegee om 'n paar dinge te noem wat vriende of familie vir ons gesê het in terme van waarom hulle bly is om ons te sien en om ons te wees.Aan die einde van die sessie het elke deelnemer 'n lys met goeie karaktereienskappe gehad, en ons moes dit aan ’n mededeelnemer voorlees en weer bevestig wat ons geskryf het.Monika het verduidelik om liefde en al die ander goed in die wêreld te plaas, moet dit van binne kom en nie wat mense ons vertel nie. Al die gereedskap om die spanning en frustrasies van die buitewêreld aan te pak, is binne-in ons.Ek het ook besef daar is baie gebrokenheid en seer in die wêreld en daarom is alles so deurmekaar. Ek moedig jou dus vandag aan om 'n lysie van al die goeie dinge en al jou goeie karaktereienskappe te maak – plak dit dan op jou yskas of spieël waar jy dit elke dag kan sien.Soms moet jy net herinner word dat jy sterk, dapper, vriendelik en sommer net awesome is!

Soms het jy net ’n wekroep nodig

Kommentaar

Republikein 2026-05-15

Meld asseblief aan om kommentaar te lewer

Soms het jy net ’n wekroep nodig

Kommentaar

Republikein 2026-05-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.