Somerkamp by Hodygos aangebied

Jeug vir Christus (JVC) Namibië bied weer vanaf 6 Desember sy jaarlikse Somerkamp aan.JVC is ’n plaaslike bediening wat fokus op jongmense en wat opleiding in lewensvaardighede aan tieners en jongmense gee. Dit is in 1985 op Swakopmund gestig en is sedert 1991 op ’n kleinhoewe buite Okahandja gevestig. Die mense agter die jeugaksie het die kleinhoewe “Hodygos” gedoop, wat " leierskap" in Grieks beteken.In die amper 30 jaar van JVC se bestaan is daar al ’n magdom programme en kampe aangebied. Op die oomblik doen hulle " Kortsendingsopleiding" , ’n oorbruggingsjaarkursus wat oor 11 maande strek. Dié kursus is ideaal vir jongmense wat ná matriek nog nie hul voete gevind het nie. Jeug vir Christus werk ook op die oomblik in verskeie gemeenskappe en by skole in die Noorde en het vroeër vanjaar ’n kantoor in Windhoek geopen. Dit het ook ’n musiek- en dramagroep genaamd G21, wat deur die land reis om gehore te vermaak.JVC bied ook weeklange kinderklubs op Okahandja aan. Deur die loop van die jaar bied dit verskeie kampe aan, met die grootste – die Somerkamp – wat elke Desember plaasvind.Vanjaar se Somerkamp is die 21ste van sy soort en die tema is “Identiteit”. Die doel van hierdie soort kampe is om jongmense op ’n prettige wyse te leer hoe om hul Christelike en morele waardes te ontdek en uit te leef. “Ons verwag minstens 300 jongmense by dié kamp,” het me. Desiree Beukes, die nasionale direkteur van JVC Namibië, gesê.Vanjaar neem sprekers van Namibië, Suid-Afrika en Zimbabwe deel en die program is propvol sport, Bybelvasvra's en kort lesse oor alkohol en dwelms, selfmoord en wat 'n mens se doel in die lewe is.Die kamp vind vanaf 6 tot 12 Desember plaas en deelname kos N$300. Vir meer inligting kan Beukes by 081 140 687 geskakel word.Hodygos kan ook deur ander instansies gehuur word wat hul eie kampe of funksies wil aanbied.

Somerkamp by Hodygos aangebied

Kommentaar

Republikein 2025-06-23

Meld asseblief aan om kommentaar te lewer

Somerkamp by Hodygos aangebied

Kommentaar

Republikein 2025-06-23

Meld asseblief aan om kommentaar te lewer

MELD AAN

Advertensie