Soldaat skuldig aan manslag

'n Jong Israeliese soldaat, wat 'n Palestynse aanvaller doodgeskiet het toe hy gewond op die grond in die besette Wes-oewer-gebied gelê het, is skuldig bevind aan strafbare manslag. Dit is een van die mees polariserende hofsake in Israel se geskiedenis. Verregse betogers het buite die hof hul ­onvergenoegdheid met die uitspraak betuig.

Israel se eerste minister, Benjamin Netanyahu, het reeds gevra dat die soldaat, Elor Azaria, begenadig word.

- Nampa/Reuters