SoftBank dwing Uber om sy direksie uit te brei
Uber het sy transaksie ter waarde van sowat US$9,3 miljard met die SoftBank-groep afgehandel.
Dit sal waarskynlik beteken dat daar heelwat bestuursveranderinge by dié maatskappy sal plaasvind.
Uber se aandeelhouers het aandele ter waarde van US$8 miljard teen afslag verkoop. Dit maak die Japannese maatskappy nou die grootste aandeelhouer in die taxidiens.
SoftBank het ’n verdere US$1,25 miljard regstreeks in Uber belê.
Die waarde van die maatskappy word nou op sowat US$54 miljard geraam.
SoftBank het sekere voorwaardes gehad voordat die transaksie beklink kon word. Uber moet onder meer nou ekstra poste in sy direksie skep. Die direksie sal nou uit 17 lede bestaan. Dit is beduidend groter as dié van die meeste maatskappye.
SoftBank beplan om Rajeev Misra, een van sy direkteure, en Marcelo Claure, uitvoerende hoof van Sprint, op die direksie aan te stel, sê ’n persoon met kennis van die saak.
Nog vier poste, insluitende dié van voorsitter, sal ook gevul moet word.
Daar wag ’n baie goeie toekoms op Uber onder sy nuwe leierskap.
Rajeev Misra, direkteur van Softbank
“Daar wag ’n baie goeie toekoms op Uber onder sy nuwe leierskap,” sê Misra in ’n verklaring.
Hy het die “professionele” optrede van die direksie en bestuurspan gedurende die onderhandelinge geloof.
Die hervorming sal dit nie meer toelaat dat werknemers en ander beleggers wat van vroeg af aandele in die maatskappy besit het, “superstemregte” sal hê nie.
Dit sluit Travis Kalanick, stigter van die maatskappy, en Benchmark, wat waagkapitaal verskaf, in. Dié twee beplan om ’n regstryd tussen hulle af te handel noudat die transaksie met SoftBank beklink is.
Die SoftBank-belegging is ’n oorwinning vir Dara Khosrowshahi, Uber se nuwe uitvoerende hoof, wat in September die leisels oorgeneem het.
Onderhandelinge was uitdagend, veral nadat Masajosji Son, uitvoerende hoof van SoftBank, in ’n stadium openlik gedreig het om eerder in Lyft, ’n mededinger van Uber, te belê.
Die beleggingsgroep Dragoneer en ’n konsortium van ander beleggers het nou saam met SoftBank gewerk om die transaksie te finansier. – Netwerk24/Bloomberg
Dit sal waarskynlik beteken dat daar heelwat bestuursveranderinge by dié maatskappy sal plaasvind.
Uber se aandeelhouers het aandele ter waarde van US$8 miljard teen afslag verkoop. Dit maak die Japannese maatskappy nou die grootste aandeelhouer in die taxidiens.
SoftBank het ’n verdere US$1,25 miljard regstreeks in Uber belê.
Die waarde van die maatskappy word nou op sowat US$54 miljard geraam.
SoftBank het sekere voorwaardes gehad voordat die transaksie beklink kon word. Uber moet onder meer nou ekstra poste in sy direksie skep. Die direksie sal nou uit 17 lede bestaan. Dit is beduidend groter as dié van die meeste maatskappye.
SoftBank beplan om Rajeev Misra, een van sy direkteure, en Marcelo Claure, uitvoerende hoof van Sprint, op die direksie aan te stel, sê ’n persoon met kennis van die saak.
Nog vier poste, insluitende dié van voorsitter, sal ook gevul moet word.
Daar wag ’n baie goeie toekoms op Uber onder sy nuwe leierskap.
Rajeev Misra, direkteur van Softbank
“Daar wag ’n baie goeie toekoms op Uber onder sy nuwe leierskap,” sê Misra in ’n verklaring.
Hy het die “professionele” optrede van die direksie en bestuurspan gedurende die onderhandelinge geloof.
Die hervorming sal dit nie meer toelaat dat werknemers en ander beleggers wat van vroeg af aandele in die maatskappy besit het, “superstemregte” sal hê nie.
Dit sluit Travis Kalanick, stigter van die maatskappy, en Benchmark, wat waagkapitaal verskaf, in. Dié twee beplan om ’n regstryd tussen hulle af te handel noudat die transaksie met SoftBank beklink is.
Die SoftBank-belegging is ’n oorwinning vir Dara Khosrowshahi, Uber se nuwe uitvoerende hoof, wat in September die leisels oorgeneem het.
Onderhandelinge was uitdagend, veral nadat Masajosji Son, uitvoerende hoof van SoftBank, in ’n stadium openlik gedreig het om eerder in Lyft, ’n mededinger van Uber, te belê.
Die beleggingsgroep Dragoneer en ’n konsortium van ander beleggers het nou saam met SoftBank gewerk om die transaksie te finansier. – Netwerk24/Bloomberg
Kommentaar
Republikein
Geen kommentaar is op hierdie artikel gelaat nie