So is Steinhoff se slim direksie 'geflous' – Wiese

Nellie Brand-Jonker - “Slimmer mense as wat op hierdie direksie dien, is al voorheen geflous deur mense wat bedrog gepleeg het,” het Christo Wiese, oudvoorsitter van Steinhoff, Woensdag gesê.Wiese het in die vraetyd van 'n gesamentlike sitting van drie portefeuljekomitees in die parlement op die kritiek gereageer oor hoe die direksie kan aanvoer hy was nie van die probleme by Steinhoff bewus wat tot die ineenstorting van sy aandeelprys sedert Desember gelei het nie.Wiese het in sy persoonlike hoedanigheid die sitting bygewoon. Hy het vertel hoe onverwags die gebeure vir hom was.Komiteelede wou nie byt aan die verduideliking nie omdat daar al in 2015 aantygings oor probleme was, asook nuusberigte daaroor in 2017.“Oor die kritiek dat die direksie nie sy fidusiêre pligte nagekom het nie, kan ek net sê dat slimmer mense as op hierdie direksie al voorheen geflous is deur mense wat bedrog gepleeg het.”Die direksielede van Steinhoff was van die mees gerespekteerde en suksesvolle sakelui in Suid-Afrika.Baie kompleks“Ek kan mense se woede verstaan, en dat hulle vra: Hoe kon julle agter die stuurwiel geslaap het terwyl dit alles gebeur?“Ek kan na baie gevalle in die wêreld verwys waar dit by soortgelyke maatskappye of groter maatskappye gebeur het, omdat dit uiters moeilik is, indien nie onmoontlik nie, om bedrog in 'n maatskappy op te spoor.“Dit raak nog moeiliker, soos in die geval beweer word, wanneer die uitvoerende hoof direk betrokke is.”'n Komiteelid wou weet hoe aandeelhouers die direksie kan vertrou as hulle almal aanvoer hulle is verras deur die gebeure.“My enigste reaksie daarop is: As jy ooit op 'n direksie van hierdie reusemaatskappye gesit het wat honderdduisende personeel het en in 33 verskillende lande bedrywig is met verskillende belastingwette ens., sal jy 'n mate van begrip hê oor hoe dit moontlik is om bedrieg te word op die manier wat hier beweer word.”Hy het gesê Steinhoff is 'n baie komplekse groep met menigte filiale en wat op gedesentraliseerde wyse bestuur is waar elke land sy eie direksie en bestuur het.In die verskillende lande was daar ouditfirmas wat die verskillende maatskappye geoudit het en dan gaan die inligting na die beherende maatskappy Steinhoff in Nederland se statutêre ouditeur Deloitte wat die finansiële state opstel.Ouditeure kry skuldWiese het ook aangevoer dat die probleme wat nou ondersoek word, is vir jare deur dieselfde ouditeure nie opgetel nie.“Hulle vra nou vrae oor die finansiële state van die vorige jare. Deur dit te doen, sê hulle sekere dinge is nie opgemerk nie.“Hulle is die eerste linie van verdediging vir die direksie. Hulle word behoorlik vergoed om seker te maak dinge val nie deur die krake nie.”In Desember net voor Steinhoff op die Frankfurt-aandelebeurs genoteer het, is in die Duitse media berig dat die belastingowerhede in Oldenburg in Duitsland 'n klopjag uitgevoer het op die maatskappy se kantoor omdat hulle belasting- en boekhoudingbedrog vermoed.Die toesighoudende direksie van Steinhoff het dadelik 'n baie prominente maatskappy in Duitsland aangestel met die mandaat om alle bewerings te ondersoek.Die direksie het die mark ingelig oor die klopjag en dat ondersoekers aangestel is. Die ondersoekers het geen bewyse van enige onreëlmatighede gevind nie.“Dit was nie asof die direksie nie bewus was van beweringe nie. Stappe is gedoen.”Volgens hom sal Deloitte en die forensiese ondersoekers van PwC ook kyk na hoe dié vorige ondersoek probleme gemis het.Niemand gespaarLouis du Preez, handelsdirekteur van Steinhoff, het gesê PwC het 'n onbeperkte mandaat vir sy ondersoek.PwC se taak is om ook te kyk na die rol van die bestuur en die direksie.Heather Sonn, waarnemende voorsitter, het gesê almal word in die forensiese ondersoek ingesluit. “Niemand word gespaar nie.”Na wat verneem word, word tot die e-posse in die maatskappy ondersoek.Volgens Du Preez sou PwC gister terugvoer gee aan Steinhoff se direksie oor sy ondersoek die afgelope sowat sewe weke en watter kwessies verder ondersoek moet word.Niemand weet nieVolgens Wiese wil mense heeltyd weet “wat presies gebeur het”.Hy het gesê daar is nie 'n besliste antwoord nie en daar moet gewag word tot die geouditeerde jaarstate deur Deloitte en die forensiese ondersoek deur PwC afgehandel word.“Tot ons die verslae het van die statutêre ouditeure en van die forensiese ondersoekers weet ons werklik nie hoe dit gebeur het nie.”• Wiese het op 'n vraag van die EFF se Floyd Shivambu of hy maatskappye in belastingtoevlugsoorde het gesê: “Dank Vader ek het nie. Ek is nie in die Panama Papers nie. Ek het nie maatskappye in sogenaamde belastingtoevlugsoorde nie.” - Netwerk24

So is Steinhoff se slim direksie 'geflous' – Wiese

Kommentaar

Republikein 2025-11-05

Meld asseblief aan om kommentaar te lewer

So is Steinhoff se slim direksie 'geflous' – Wiese

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.