SMS'e vir 8 Februarie 2018

As die weermaglede op onbetaalde verlof gaan, sê dit een ding. Daar is nie geld nie. So sal die gevangenisse ook die mense op onbepaalde parool moet plaas, want daar is nie geld vir kos nie. Etse! Droogte, droogte, droogte!



Nkandla/Oropoko geen verskil! Mors van belastinggeld om hoë amptenare 'n kuierplek te gee. Wat maak Oom Calle daar, wat maak Oom Calle daar? Wat van ons vervalle hospitale, skole, paaie, laagbesoldigde polisiemag? - acmc



Platsak Namibiese weermag het reuse, luukse wildplaas Oropoko vir N$45 miljoen gekoop. Wat 'n skande! Soldate leer om in harmonie met natuur te leef? Dit sal nie lank vat, dan is daar niks wild meer nie. Chinese maats kan dan daar hul renosters skiet? Olimpiese skietbaan en wil vliegveld in militere lughawe omskep? Dit pas natuurlik fantasties binne in wildplaas. Dit breek my hart! Gee dit 'n paar jaar dan lyk dit soos alle ander staatsplase en -geboue.



Dit klink my na aanleiding van die berig deur Des Erasmus (6 Februarie) dat die beesdiewe in die Karibib-omgewing die pap behoorlik dik aanmaak.



Dankie Erongo-bergboere wat ons in Okombahe help! Daardie "­conservancy" mense weet nie hoe swaar ons kry nie. Eers droogte, nou leeus! Nê man, ai!



Napha en MET swyg skouer aan skouer oor hulle "dumping lions" in Erongoberge. Wat 'n vuil beeld stel dit tog. Julle houding bevestig julle donker motiewe.



Wat is die verskil? Die mense wat so baie praat oor Namas en Heroro's. Ja, net soos baie van die Duitsers in Namibië gebore is, is baie van die wit boere ook in Namibië gebore. Julle wat so teen die boere is, hou op met daardie goed wat julle in die koerant plaas. In die 6de Februarie 2018 se koerant.



Weet julle wat? Ek staan bankvas agter Rukoro. Van die uitlatings wat julle in die koerant maak, sal altyd sulke reaksies uitlok. Julle sit op plase wat groter is as Lesotho, Swaziland, Israel en die Krugerpark, maar pas op laat ons nie mal raak nie.



Rukoro, na 'n lang en deeglike ondersoek, het ek vasgestel dat daar nog nasate van Jonker Afrikaner in die land is. Gaan jy hulle ook om aalmoese vra? Jonker is mos eintlik die man wat die Herero's en Namas in hulle duisende uitgeroei het.



Die persoon wat reken hy weet van niemand wat nog kanker gekry het wat nie rook, alkohol gebruik of vark eet nie. Ou maat, jy lewe met oogklappe aan!



Kan RFA, die media of Otjiwarongo- munisipaliteit mens nie kennis gee dat hulle 60 km/uur-sone geskuif het nie? Of die "traffic" mense net waarsku eerder as om jou toe te sluit oor jy 115 ry, nog ver buite geboude gebied.



Kinders tart absoluut die onderwysers uit. Onderwysers is frustreerd, want kinders word toegelaat om dit te doen.



By Kalkrand-poskantoor word goed verkoop met die poskantoorkar. Word dit so gedoen? Ek raak dom! Sal foto's neem. Dit help nie as ons praat nie, as hulle lees dan hou hulle op.



Munisipaliteit- Windhoek, wat is die probleem met die wateronderbrekings in die Kleine Kuppe-area die week? Lig asseblief die inwoners in.



Ek wil dit net sê die speletjie wat president Zuma met die mense van Suid-Afrika speel, is presies wat Willie Swartz met die mense van Rehoboth doen. En Swapo is so bang om hulle hande aan hom te sit, want doen hulle dit, sal hy praat wat aangaan in die binnekringe, want daar sal baie meer koppe rol, en in die proses sal hulle geweldig steun verloor. En die mense is moeg vir hierdie onsensitiewe houding van die Namibiese regering.



Cimbebasia is 'n waterlose grap, omtrent elke dag. CoW antwoord nie meer hulle fone nie. Geen terugvoering hoekom water af is elke dag nie. Ons betaal vir dienste wat nie bestaan nie.



Tra la la la la. Weereens net een swart gesiggie. Julle weet mos waar.



Ja nee! Dit gaan te lekker by die Rehoboth-dorpsraad. Elkeen kan maak nes hy wil en ons as inwoners ly daaronder. Spreek jy as diensbetaler jou ontevredenheid en afkeur uit, word jy as 'n rassis beskou. Vader van genade, is dit al woord wat vasgesteek het vir chaos, geen diens en luilekker, koninklike lewe by dorpsraadkantore? Alles gaan by die dag agteruit. Swak paaie en donker strate en riooldreine wat vrylik loop. Siesa vir kastige hooggeleerde amptenare wat dorp bestuur. Rehoboth het so baie mense wat bekwaam is, maar ons word deur die onbevoegde en onbekwame politieke groep bestuur. Ons eens spogdorp, ons hart bloei. Eina!



Watter soort mens verwys na leeus as goed en dreig om hulle te skiet?



Estelle se sê maar net in koerant van 7 Februarie, “Kinders gee jou grys hare, nie ouderdom nie”, is die reine waarheid. Ek as 'n pa sê altyd vir my kinders laat weet tog waar julle is, in Okahandja, Otjiwarongo, Tsumeb, by elke plek. Laat weet met die terugkom ook. Ons vertrek nou van 'n spesifieke plek af en dan weet jy as ouer hulle is veilig en op pad. Dan voel ons gerus.



Extra long prison sentence ruled unconstitutional: Cruel, inhumane, infringe on prisioners right to human dignity? Seriously? What about the victims' rights? They also had a constitutional right to live and be safe and protected against criminals and murderers. Who are freely roaming the country on bail? Namibian justice system is sick! Protects criminals more than victims. How sad! What is becoming of our country?