SMS'e vir 7 November 2019

So is polisie omgekoop om notaboek vir Marcus Thomas te gee in die selle? Verkiesing. Snaaks hoe sommige Namibiërs tussen politieke partye kies. Hulle kyk nie na beleid nie, ook nie hoe suksesvol die leiers van die land was om hul probleme op te los nie. Hulle kyk net na die wenparty en stem vir die party, omdat hulle nie daarvan hou om te verloor nie. Hulle wil net ten alle koste wen en saamsing en -dans al is die wenner ook hoe korrup! Ai, dit maak mens depressief! Dit is mos die maklikste om mense te stop vir veiligheidsgordels of lisensies, maar wat word gedoen aan voetgangers wat die strate vol drentel en nog alkohol ook in het? Moet ons motoriste nou maar begin om op die sypaadjies te ry? My plek is om in die straat te ry. Voetgangers se plek is op die sypaadjie. Ek weet nie hoekom die vakbonde in Suid-Afrika kapsie wil maak teen die opbreek van Eskom nie. Kyk net hier by ons. Van Swawek het 'n klomp eenhede geword en dit werk. Klomp nuwe rade, topbestuur, bestuurders, infrastruktuur, ens. wat deur die belastingbetalers gedra moet word en comrades ryk maak. Moet dus nie kla nie. Hoekom gaan die 50c wat ons betaal vir plastieksakke nie na die Go Green Fund toe nie?Kan Aranos se mense nie korrupte mense gaan rapporteer in Mariental by daardie twee mense wat vir Katrina by die ACC gaan kla het nie? Kan Social Security nie ontvangsdames kry wat 'n mens na die regte mense kan deurskakel nie? Dit is so vroeg in die oggend, maar geen antwoord nie. Wanneer die direkte lyn na die skakelbord teruggaan, dan word die lyn net weer deurgeskakel na 'n dooie lyn en so moet jy aanhou tot iemand kom. Social Security, ruk julle reg, dit is nog nie vakansietyd nie. Ons het werk wat ons moet afhandel. Nie net Swakopmund se verkeersmanne is afwesig nie. Windhoek het nie verkeersmanne nie. Dan word jy gemaan om boetes te betaal, maar geen boete is ooit ontvang nie. My genade, waar is die ou dae toe Blou Bollies nog gewerk het? Kan iemand tog nie Stampriet se polisiestasie kom besoek nie, want dit raak nou erg. Help die arme gemeenskap van Stampriet. Wys vir my die wet wat sê honde mag nie op die straat hulle bolle los nie. In die tussentyd gaan die strate onder van al die rommel en plastiek. Die vakansiegangers is op pad. Hoe wil julle dit nou kontrolleer?So 'n tyd terug het iemand vir Willie Platt van Rehoboth bedank en gesê dis die beste auto electrician in Rehoboth. Ek wil ook net beaam, sowaar, hy is baie baie goed. Hou so aan meneer Platt, jy is rêrig 'n staatmaker. Ek vertrou net vir jou met drade. Dankie en God seën jou.

SMS'e vir 7 November 2019

Kommentaar

Republikein 2026-02-17

Meld asseblief aan om kommentaar te lewer

SMS'e vir 7 November 2019

Kommentaar

Republikein 2026-02-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.